Të jesh për një kohë të gjatë në diell nuk është diçka e lehtë, ose të paktën kështu interpretohet nga truri dhe trupi juaj. Nëse keni qendruar gjatë në një pishinë apo plazh këtë verë, e keni vënë re përgjumjen dhe ndjesinë e lodhjes më pas? Pse ndodh kjo?
"Dielli shkakton disa ndryshime që e detyrojnë trupin të punojë më shumë, gjë që çon në lodhje,” thotë dermatologia Heather D. Rogers. Nën ndikimin e temperaturave të larta, trupi punon më shumë për të ulur temperaturën e tij në një nivel normal.
Janë tre gjëra që trupi juaj po bën për t'u freskuar: Ju merrni frymë më shpejt, rrahjet e zemrës rriten dhe jeni duke djersitur më shumë. Të gjitha këto kërkojnë energji shtesë nga trupi juaj, gjë që mund t'ju bëjë të ndiheni të lodhur.
"Në rastet ekstreme kur trupi ynë nuk mund të ftohet në mënyrë efektive, njerëzit bëjnë hipertermi ose sëmundje të lidhura me nxehtësinë," shtoi mjeku Shengyi Mao. Lodhja nga nxehtësia përfshin simptoma të tilla si marrje mendsh, nauzea dhe dhimbje koke, sipas “Mayo Clinic”.
Ekspozimi i tepërt ndaj rrezatimit UV mund të dobësojë sistemin imunitar të trupit dhe aftësinë e lëkurës për t'u mbrojtur nga infeksionet, sipas “U.S. Environmental Protection Agency”. Një sistem imunitar i shtypur çon në më shumë lodhje.
Në diell, njerëzit humbasin më shumë ujë dhe kur ju jeni të dehidratuar, trupat punojnë më shumë për të kryer funksionet e tyre normale, si pompimi i gjakut, gjë që mund të bëjë që të ndiheni të lodhur. Përtej këtyre faktorëve, ka edhe diçka tjetër që ndodh kur trupat ekspozohen në diell…Ndjesia e relaksit dhe çlirimit nga stresi, kur jeni pranë një pishine apo në plazh çon në një gjendje përgjumjeje që zgjat nëse ju nuk futeni në shtëpi apo dhomën e hotelit dhe të merreni me veten, pushoni, pini ujë apo konsumoni produkte me vlera ushqimore.
Artikuj të sugjeruar:
Burimi: HuffPost
