Mund të kesh parë vërdallë nëpër TikTok video të cilat mbështesin Blake Lively ose Justin Baldoni, të cilët mesa duket nuk paskan një marrëdhënie të mirë jashtë sheshxhirimeve. Thashethemet nisën kur Baldoni nuk ishte i pranishëm në premierat për promovimin e filmit, pavarësisht se ka qenë pjesë e regjisë dhe produksionit të filmit.

Mbi të gjitha, pjesa më e madhe e kastit i kanë bërë unfollow në Instagram aktorit, ndërkohë që Blake Lively-n e kanë në rrjetin social.

Gjithashtu, edhe mënyra se si aktorët kryesorë flasin për filmin është kaq e ndryshme.

Baldoni e ka vendosur theksin te dhuna fizike dhe psikologjike që paraqitet në film (dhe në librin me të njëjtin titull), ndërsa Blake po e promovon filmin bashkë me të shoqin, Ryan Reynolds, duke u përqendruar më shumë te romanca dhe te veshjet e saj. Kjo e ka bërë shumicën e njerëzve në TikTok që të mbajnë anën e aktorit.

Megjithatë, a ekziston një dramë mes kastit të “It Ends With Us”? Përgjigjja është ‘po’. Një burim ka thënë për Hollywood Reporter se ka pasur një krisje mes kastit dhe procesit të post produksionit, pasi u shfaqën dy drejtime të ndryshme të filmit.

Burime të shumta thanë për revistën se Lively kërkoi që në film të përfshihej Shane Reid, i cili është edhe pjesë e stafit të montazhit të filmit “Deadpool & Wolverine”. Filmi “It Ends With Us” ka shkurtime të shumta, të cilat janë vënë re dhe nga njerëzit që kanë lexuar librin dhe kishin pritshmëri që skena të ndryshme të paraqiteshin në film.

Është ende e paqartë nëse kjo dramë ka bërë që një pjesë e madhe e kastit ta hiqtë nga Instagram-i aktorin Justin Baldoni apo diçka tjetër fshihet nën rrogoz, por gjithsesi, do të të përditësojmë për çdo të re.

Ndërkohë, të rikujtojmë se filmin mund ta shohësh në Cineplexx. :)

Artikuj të sugjeruar: