Adele ka gjetur shpirtin e saj binjak! Këngëtarja ka konfirmuar zërat për një fejesë të mundshme me Rich Paul, me të cilin është në një lidhje prej 3 vitesh. Këngëtarja e hitit “Hello” e ka ndarë lajmin e bukur me publikun në Mynih të Gjermanisë, gjatë koncertit të saj.
Adele seemingly confirms her engagement to Rich Paul during her latest concert in Munich
— Adele News (@Adelesnews) August 9, 2024
“Will you marry me? I can’t marry you because I’m already getting married so I can’t.” pic.twitter.com/zOcd4b7zrh
Në momentin kur dikush nga turma e pyeti nëse mund të martoheshin bashkë, Adele ia ktheu: “S’mund të martohem me ty, se po martohem (me Rich Paul), ndaj s’mundem”. Ajo tregoi edhe gishtin e unazës.
Edhe pse nuk e kishte vendosur unazën me të cilën partneri i saj e ka propozuar, zërat thonë se vlera e saj arrin deri në 875,000 dollarë.
Çifti ka ndezur zërat për një fejesë që në shkurt të vitit 2022, kur këngëtarja mbërriti në ceremoninë e Brit Aëards me një diamant rrëzëllitës në dorë. Megjithatë, dyshja s’kishte reaguar për zërat, deri kur Adele vendosi të refuzonte me shumë mirësjellje propozimin e fansit.
Në korrik të këtij viti qarkulloi lajmi se çifti ishte fejuar. Sipas zërave, Paul i ka bërë pyetjen e rëndësishme në një restorant ditën e djeshme. Më pas, çifti e ka ndarë lajmin me miqtë dhe familjarët përmes telefonatave në FaceTime. Njerëzit mendojnë që ata do martohen deri në fund të këtij vitit, ndërsa një burim u shpreh: “Rich planifikoi që propozimi të ishte në vendlindjen e këngëtares, teksa i dhuroi asaj një unazë jashtëzakonisht të bukur me diamant katër karatësh.”
Artikuj të sugjeruar:
