Dafina Zeqiri ka bërë një reagim për komentet e kritikat që solli kënga e saj e re, “Dumlla Dumlla”, në bashkëpunim me Dystinct. Kënga, ndonëse nga shumë njerëz u pëlqye, u kritikua nga jo pak persona, të cilët rikujtuan se në gusht të vitit 2022, artistja kishte thumbuar artistët që këndojnë të njëjtën rrymë.
"Po shoh një pandemi tallavaje në industrinë tonë të muzikës...kaq e sikletshme", ka thënë ajo më parë.
Megjithatë, duket se preferencat dhe qasjet e Duffy-t kanë ndryshuar. Ajo u shpreh në rrjetet sociale se zhanret e muzikës i këndon nga zemra:
“Krejt zhanret e muzikës i punoj i këndoj prej zemrës. Një zhanër mund të kem për qejf a vetëm të gënjej nëse them që ku e dëgjoj ndonjë këngë 'komerciale' në diskotekë nuk më lëvizin krahët. I dua të gjitha dhe do të krijoj me kënaqësi muzikë në çdo zhanër”, duke shtuar se mundet dhe do ta bëjë diçka të tillë.
Në TikTok, kënga është komentuar shumë dhe njerëzit janë shprehur se Dafina i ka ulur standardet e muzikës së saj. “Dafina ka pasur super këngë, tani merr nga “Made in Romania”; “Dikur e shaje tallavanë, oj Dafinë”; “Ok, s’e prisja të kishte ulur kaq shumë standardet Dafi”; “Dafinë, më mirë pak e saktë se shumë e për lumë” ishin disa nga komentet e përdoruesve të TikTok-ut.
Artikuj të sugjeruar:
