Pjesa më e mirë e këtij muaji do të vijë herët, saktësisht më 4 gusht, kur në shenjën tënde do të ndoshë Hëna e re. Ajo është dhurata më e mirë për ty nga Marsi dhe Jupiteri, të cilët do të dërgojnë rreze mjaft pozitive për shenjën tënde. Miqtë do të të adhurojnë, personi zemrës po ashtu dhe siç mund ta lexosh, duket fiks si muaji i përsosur dhe ai që meriton. Mund që gjatë kësaj periudhe të mendosh për një kapitull të ri në jetën tënde, pasi ke bërë një punë shumë të mirë në karrierën (ose shkollë) tënde. Gjatë vitit të fundit, ke punuar fort për të arritur qëllimet e tua. Je gati që të përjetosh më shumë argëtim, por edhe balancë në jetën tënde.
 
Prej kohësh ke mbajtur një ëndërr në zemrën tënde dhe kjo dëshirë do të nisë të marrë formë gjatë këtij muaji. Mos u dorëzo dhe mos mendo se ke të bësh me një mundësi të parealizueshme, përkundrazi, qëndro sa më optimist/e. Ti e di që kur e limiton veten, nuk fiton asgjë. Miqtë do të të japin ca ide interesante për të vepruar. Kërko këshilla nga ata për të pasur më shumë sukses.
 
Bëj ç’të jetë e mundur për të zgjeruar rrethin tënd të miqve, duke u bashkuar në ndonjë mbledhje me interes të përbashkët. Shko nëpër mbledhje e seminare dhe kap mundësitë për t’u lidhur me njerëz që të shërbejnë në të tashmen dhe në të ardhmen. Nëse ndan ekspertizën tënde me njerëz të tjerë të fushës, mund të krijosh kontaktet e duhura, si dhe të shkosh më larg.
 
Një vendim mbi një marrëdhënie do të të marrë kohë dhe do të jetë një moment shumë i rëndësishëm. Ky vendim do të kaplojë mendjen tënde më 19 gusht, në Hënën e plotë në Ujor. Karriera jote mund të ketë ngjallur pakënaqësi te personi i zemrës, i cili mund të jetë ndjerë i lënë pas dore, apo edhe paksa xheloz për arritjet e tua. Urani, planeti i të papriturave dhe kaosit, nuk është shumë i favorshëm në këtë Hënë të plotë, ndaj do marrësh një lajm të papritur.
 
Megjithatë, je vetë ti ai/ajo që do të vendosë se sa shumë rëndësi ka ky person për ty. Nëse përgjigjja është “shumë”, atëherë do të të duhet të gjesh një zgjidhje. Nëse nuk e mendon fare si opsion riparimin e marrëdhënies, mund të konsultohesh me një terapist çiftesh dhe të përpiqesh ta përmirësosh situatën. Në rastin më të keq, nëse ndjen se kjo marrëdhënie ka marrë fund, jepi duart personit tjetër.
 
Sa i përket parave, do të jenë në mendjen tënde, pasi Saturni po rrotullohet rreth shtëpisë së parave dhe burimeve të tjera të përbashkëta. Për çiftet, kjo mund të sjellë tension, veçanërisht nëse bëhet fjalë për fatura të papaguara. Kjo Hënë e plotë sjell zbulimin e të vërtetave të fshehura, ndaj mund të shohësh një anë tjetër të monedhës.

Ky muaj është një periudhë mjaft e veçantë për karrierën dhe reputacionin tënd, sidomos tani që Jupiteri ka mbërritur në kulmin e grafikut të shtëpisë tënde të dhjetë, atë të arritjeve profesionale. Biseda konfidenciale duket se po ndodhin, qoftë me apo pa dijenin tënde. Sido të jetë puna, ti do të përfitosh shumë prej tyre. Duket se je në listën e shkurtër të personave që do të arrijnë shumë këtë vit, ndaj le të shërbejë ky moment si shtysa dhe motivimi që të duhet për më tej.
 
Më 14 gusht do të përballesh me një përparim të madh, pasi Jupiteri do të takohet me Marsin në shtëpinë e nderimeve, çmimeve dhe arritjeve të karrierës. Përdore këtë ditë për të caktuar një takim të rëndësishëm. Sa i përket Mërkurit, do të jetë në prapavijë, që do të thotë se projekte të ndryshme nga e shkuara mund të rikthehen, ose persona që më parë kanë qenë pjesë e rrugëtimit tënd do të të mbikëqyrin sukseset e tua, me shumë gjasa për një bashkëpunim të ardhshëm.
 
Hëna e re e 4 gushtit do të funksionojë në mënyrë të përkryer, për shkak se Jupiteri fatlum dhe Marsi, planeti i veprimeve, do të gjenden të dy te Binjakët. Kjo nënkupton se një ofertë e mirë pune ose shpërblim i majmë do të vijë drejt teje. Ndërkohë, Plutoni fuqizon aspektin e financave. Ndërsa Urani të mundëson një lidhje të favorshme me kolegët. Nëse po mendon të shkosh globalisht me projektet e tua, tani është momenti që të tentosh.
 
Një projekt që do të kulmojë afër 19 gushtit do të pritet mirë, pavarësisht nëse mund të haset me ndonjë defekt të mundshëm, i cili do të të gjejë pak të përgatitur. Qëndro vigjilent/e për ta kapur në moment, pasi Urani dhe Hëna e plotë në Ujor do të përpiqen të bëjnë kaos. Falë vëmendjes tënde, me shumë gjasa, gjithçka do të shkojë mirë.
 
Do të të duhet të monitorosh të gjitha detajet dhe të jesh i/e kujdesshëm/me. Do të mendosh gjatë gjithë muajit për mënyra se si ta bësh projektin të përshtatshëm dhe të pëlqyeshëm. Mos harro edhe prapavijën e Mërkurit, e cila nis më 4 gusht dhe mbaron më 28 gusht.
 
Gjatë javës së parë të muajit mund të duash të bësh një udhëtim të shkurtër, por Mërkuri do të jetë në një konflikt të vazhdueshëm me Mërkurin, duke të sjellë situata frustruese dhe duke e vonuar planin. Nëse ke plane për pushime afatgjata, të këshillojmë shtatorin.
 
Nëse është e mundur, këtë muaj shmang blerjet e mëdha ose vendimet që kanë një rëndësi shumë të madhe, qoftë në jetën personale, edhe në atë profesionale. Koha nuk është shumë e përshtatshme në gusht, ndaj prit deri në mes të shtatorit, kur planetet të jenë pak më të qetë.

Copyright Anabel.al / Ndalohet ribotimi pa lejen e redaksisë.