FOTO: IMGORTHAND VIA GETTY IMAGES

Udhëtimet e ndryshme apo pushimet në vende që nuk i keni vizituar më parë janë gjithnjë një qasje interesante. Kurioziteti, bukuritë e destinacionit që keni zgjedhur, kulinaria e pasur, ka plot detaje që e bëjnë të paharrueshme çdo eksperiencë.

Por, fotot janë të pashmangshme, sidomos kur bëhet fjalë për pushime. Në ditët e sotme, pajisjet elektronike e bëjnë edhe më të thjeshtë dhe të bukur këtë mision, por kujdes! Nëse doni që të realizoni fotot më të bukura gjatë pushimeve, mos harroni që të keni prioritet jo vendet e bukura, panoramën interesante që shtrihet para syve tuaj, por njerëzit që ju shoqërojnë në këto përvoja. Me pak fjalë, detaji që nuk duhet të harroni në foto është përfshirja e të gjithëve njerëzve që ju shoqërojnë gjatë pushimeve.

Blogeri i udhëtimeve, Sean Lau, thotë për “HuffPost” se të kesh miqtë dhe familjen në fotografitë e tua është "pjesa më e mirë e fotove gjatë pushimeve".

"Sigurisht, ato pika referimi të bukura dhe pamjet e peizazheve janë të këndshme, por ato nuk mund të krahasohen me kujtimet që ju dhe të dashurit tuaj bëni së bashku," tha Lau.

Ekspertja e udhëtimeve familjare, Katrina Morrison, beson se është "shumë e rëndësishme" të përfshiheni ju dhe të dashurit tuaj në fotot e pushimeve. Pa njerëzit tuaj në foto, "është vetëm një nga shumë foto të rastësishme të një atraksioni turistik".

“Por me familjen tënde, miqtë, partnerin/en, kjo bëhet një eksperiencë e paharrueshme e kapur në foto!” u shpreh ajo.

Varini në murin e shtëpisë, bëni një kartolinë urimi për Krishtlindje, ndërtoni një album fotografish, apo edhe një kalendar muri me këto kujtime personale. Fotot tuaja të pushimeve janë pjesë e historisë suaj, prandaj sigurohuni t'i mbroni ato.

Artikuj të sugjeruar: