Viti 2026 pritet të jetë një vit i jashtëzakonshëm për adhuruesit e kinematografisë. Kudo nëpër rrjetet sociale qarkullon entuziazmi i njerëzve për këtë vit, për shkak të prodhimeve kinematografike që pritet të dalin.
"Mezi e pres 2026-ën"; "Ok, "Batman" do të publikohet dhe kam më shumë arsye për të menduar se 2026-a do të jetë viti im"; "Supeeer entuziaste për filmat e 2026-s" janë disa nga komentet e njerëzve në X.
Më poshtë, ju tregojmë titujt për të cilët njerëzit janë kaq të lumtur.
“The Batman Part II”
Robert Pattinson do të rikthehet në një film të dytë pas suksesit të tij të parë në vitin 2022, me regjinë e Matt Reeves. Është e mundur që të shohim rikthimin e Zoë Kravitz, Jeffrey Wright dhe Andy Serkis.
“The Super Mario”
Edhe pse ende nuk është konfirmuar, është e mundur që të shohim rikthimin e Chris Pratt si Mario, Anya Taylor-Joy si princesha Peach, Keegan-Michael Key si Toad, Charlie Day si Luigi, Jack Black si Bowser dhe Seth Rogen si Donkey Kong.
“Shrek 5”
Filmi i pestë në serinë e DreamWorks, "Shrek 5", është konfirmuar. Ky film do të jetë i pari pas 16 vitesh, që nga "Shrek Forever After" në vitin 2010, dhe do të sjellë përsëri Mike Myers, Cameron Diaz dhe Eddie Murphy si Shrek, Fiona dhe Gomari.
Dikush vuri në dukje se kishte jo më pak se tre 'pjesë të pesta', duke shkruar: "Të gjitha këto pjesë të pesta janë çmenduri."
Të tjerët e përforcuan këtë mendim, me pyetjen: "Po diçka e re?"
“The Hunger Games: Sunrise On The Reaping”
Seria e gjashtë e "The Hunger Games" do të tregojë lojërat e “Haymitch”, një fitues veteran dhe mentor i “Katniss”. Ky film vendoset gjatë lojërave të 50-ta, 40 vjet pas ngjarjeve të "The Ballad of Songbirds and Snakes".
“Toy Story 5”
Ekipi i "Toy Story" kthehet në filmin e pestë nga Pixar, që nga dalja e parë në vitin 1995. Filmi i fundit doli në vitin 2019.
“Moana” live-action
"Moana" do të bashkohet me listën në rritje të filmave të Disney që po kthehen në filma live-action, përfshirë "Aladdin", "The Little Mermaid", "The Lion King" dhe "Beauty and the Beast". Catherine Laga‘aia është caktuar në rolin kryesor, dhe xhirimet do të fillojnë në verën e vitit 2024.
“Avengers: The Kang Dynasty”
Universi i Marvel-it vazhdon me një numër filmash që pritet të dalin në vitet e ardhshme. Ndër ta është filmi i pestë "Avengers", i cili pritet të sjellë fundin e sagës së Multiversit . Megjithatë, ende nuk është e qartë cilët “Avengers” do të shfaqen.
Artikuj të sugjeruar:
