Ju mund të jeni nga ato vajza që e keni gardërobën plot me veshje, këpucë dhe aksesorë të bukur, por sërish çuditeni me veten sepse përfundoni duket veshur gjithmonë të njëjtat rroba. Por, duket se ka një shpjegim psikologjik që qëndron pas këtij fenomeni, sipas psikologes Elisa Castellano.
-Ne preferojmë të qëndrojmë në zonën tonë të rehatisë
Veshja e rrobave që nuk i përshtaten rutinës sonë të përditshme, që nuk i kemi veshur për një kohë të gjatë ose që nuk i kemi veshur kurrë, kërkon që ne të dalim nga zona jonë e rehatisë. Xhupi që e njohim mirë, pantallonat që janë të rehatshme, këmisha që na bëri të marrim shumë komplimente, të gjithë këto veshje na bëjnë të ndihemi super komodë. Ne mendojmë se nuk po rrezikojmë, kështu që përfundojmë duke veshur të njëjtat rroba gjatë gjithë kohës.
-Krijojmë zakone veshjeje
Veshja e të njëjtave rroba në mënyrë të përsëritur sinjalizon nevojën për t'iu përmbajtur zakoneve tona dhe një frikë nga ndryshimi. Personat që nuk guxojnë kurrë të provojnë gjëra të reja dhe i qëndrojnë gjithmonë të njëjtave veshje dhe kombinime, preferojnë të mos rrezikojnë që të tërheqin vëmendjen. Rutina, edhe në veshje, shpesh shërben si një mburojë mbrojtëse.
-Ne kursejmë kohë
Një arsye tjetër për t'iu përmbajtur të njëjtave veshje është menaxhimi i kohës. Nëse çdo mëngjes nuk keni kohë, sapo jeni zgjuar nga gjumi dhe truri juaj ende nuk ka nisur të përpunojë informacionet e para, sigurisht që nuk do jeni në gjendje të bëni eksperimentime me kombinimet apo veshjet e reja dhe do të përfundoni duke veshur të njëjtat gjëra.
Çfarë duhet të bëni?
Nëse vini re se vishni gjithmonë të njëjtat gjëra dhe ndiheni sikur nuk keni asgjë për të veshur, duhet të bëni një bilanc të gjërave që keni, nga veshjet tek aksesorët, çantat apo këpucët.
Ne shpesh mendojmë se nuk kemi asgjë të dobishme ose mbajmë gjëra që nuk i kemi veshur prej vitesh, duke çuar në grumbuj rrobash dhe shumë rrëmujë. Dhe e gjithë kjo rrëmujë pasqyrohet edhe gjendjen tuaj mendore.
Kjo do të thotë se është koha për t’u organizuar! Merrni një fundjavë për të bërë një spastrim, sidomos nga gjërat që keni kohë që nuk i vishni, sistemoni mirë dollapin, sirtarët dhe filloni të edukoni veten për të qenë më të rregullt.
Artikuj të sugjeruar:
- Influencuesit nuk ndalojnë së postuari fëmijët e tyre: Shfrytëzim apo mundësi?
- 3 këshilla për ju doni të blini veshje të reja, por nuk doni të harxhoni para kot
- Disa kombinime që të bëjnë të dukesh yll dhe të ndihesh rehat në verë
- Disa këshilla për të qenë sa më praktikë para se të niseni me pushime!
- Po sikur t’ju themi se ka një palë xhinse që përshtaten për çdo moshë?
Burimi: Grazia
