Nëse spekulimet e shumta qëndrojnë, këtë fundjavë Celine Dion do të rikthehet në skenë gjatë ceremonisë së hapjes së Lojërave Olimpike të Parisit.
Kjo do të jetë hera e parë që ajo performon që nga ndërprerja e turneut të saj botëror "Courage", për shkak të pandemisë në vitin 2020, një ndërprerje e domosdoshme që e detyroi Dion të përballet me shqetësimet shëndetësore që kanë qenë pjesë e jetës së saj që nga viti 2008. Dokumentari i kësaj vere në Prime Video, "I Am: Celine Dion", tregoi më shumë mbi betejën e saj të vazhdueshme me ‘sindromën e personit të ngurtë’ dhe përpjekjet e saj për të kënduar sërish.
Dion u fotografua dje pasdite duke dalë nga hoteli “Royal Monceau”, ku po qëndron edhe Lady Gaga. Me flokët e kapur bisht, Dion u shfaq me një veshje të gjerë, një këmishë oversize dhe pantallona të gjera.
@emilienfanpagecelinedion 🇫🇷 @Celine Dion nce ! Elle est arrivée ce matin à Paris pour la cérémonie d’ouverture des Jeux Olympiques de Paris 2024. @paris2024 @olympics @jeuxolympiques @Le Royal Monceau #celinedion #paris #paris2024 #jeuxolympiques ♬ son original - Emilienfanpagecélinedion
“Do të rikthehem në skenë,” - tha Dion në një intervistë për NBC muajin e kaluar. “Edhe nëse më duhet të zvarritem. Edhe nëse më duhet të flas me duar. Do ta bëj,” - theksoi ajo.
Ndërkohë që detajet specifike rreth performancave të fundjavës janë mbajtur të fshehta, hapja e jashtëzakonshme premton të jetë ceremonia më e bukur në historinë e Lojërave Olimpike. Ngjarja do të shfrytëzojë monumentet ikonike si Louvre , kullën Eiffel, Grand Palais dhe 200 anije.
Artikuj të sugjeruar:
