Vendosja e kremit kundër diellit jo vetëm verë, por gjatë gjithë vitit duhet të jetë pjesë e pandarë e rutinës së gocave për kujdesin ndaj lëkurës. Kur vjen puna te zgjedhja e kremit të duhur, ka shumë gjëra që duhet marrë parasysh nga formula përbërëse, te mënyra e aplikimit, sasia etj.
Dermatologu Sam Bunting rendit pesë pikat kryesore që duhet të keni parasysh, sidomos kur bëhet fjalë për kremin SPF.
-Bëni: Zgjidhni një SPF me spektër të gjerë
Për të mbrojtur lëkurën nga rrezet UVA dhe UVB, të cilat shkaktojnë dëmtime në lëkurë, kremi kundër diellit me spektër të gjerë është një domosdoshmëri. "Është e rëndësishem që të bëhet bllokimi i rrezeve të përditshme UVA, të cilat janë të pranishme gjatë gjithë vitit," shpjegon mjeku Bunting. Lëkura juaj mund të dëmohet jo vetëm në plazh, por edhe kur jeni duke i dhënë makinës, kur ecni rrugës për në punë, kur pini një kafe etj. Ndaj, një krem me veprim të gjerë në lëkurë bën që ju të keni një mbrojtje më të mirë nga këto rrezet për të gjitha llojet e lëkurës.
-Bëni: Zgjidhni llojin e duhur të kremit të diellit për lëkurën tuaj
Kremrat kundër diellit ndahen në dy kategori: kimike, të cilat janë formula që kanë përbërës që veprojnë si filtra dielli, duke thithur dritën UV për të parandaluar dëmtimin e lëkurës dhe fizike, të cilat janë me bazë minerale dhe zakonisht përmbajnë oksid zinku dhe dioksid titani për të mbrojtur fizikisht lëkurën dhe për të reflektuar dritën sa më larg. Ndaj, jeni ju që në varësi të llojit të lëkurës bëni mandej edhe zgjedhjen e kremit të duhur.
-Mos: Shihni sa krem aplikoni
Për t'u siguruar që po vendosni mjaftueshëm krem në lëkurën tuaj, mjekët këshillojnë si sasi matëse një çerek lugë çaji (ose 1.25 ml) për fytyrën dhe qafën. “Duhet të lyeni fytyrën sikur po lyeni një faqe muri”, thotë ai, duke theksuar rëndësinë e një shtrese të përhapur mirë në lëkurë për të marrë gjithë mbrojtjen që ju nevojitet.
-Mos: Shihni SPF-në e make-up-i për mbrojtjen e lëkurës
Është një keqkuptim fakti që kremrat e make up-it kanë sasinë që duhet për t’u mbrojtur nga rrezet e dëmshme të diellit. Duhet të përdorni një krem të veçantë kundër diellit dhe një tjetër me faktorë mbrojtës 15 në kremin për grimin.
-Mos: Vendosni një SPF të ulët
Pyetja e vjetër: SPF 30 apo 50? “Unë jam absolutisht për SPF 50. Drita ultravjollcë jo vetëm shkakton plakje të parakohshme, por edhe kancer dhe të dyja janë shumë të parandalueshme nësë përdorni kremin me faktorin e duhur mbrojtës,” përfundon Bunting.
Artikuj të sugjeruar:
Burimi: Vogue
