Meriton Mjekiqi ka uruar të birin e tij, Loarin, për ditëlindje. Në një postim në Instagram, ku babë e bir shfaqen në pishinë, Meritoni shkruan: “Shpirt i babit, Loar! Gëzuar ditëlindjen, dritë e diellit dhe e syve të mi. Mos harro kurrë që babi të do”, shoqëruar me emoji-t e një zemre të kuqe dhe kurore mbreti.
Meritoni ka folur shpesh për vështirësitë e tij për të takuar të birin, falë raportit jo dhe aq të mirë me të ëmën e djalit. Në një rrëfim brenda shtëpisë të “BBVA 3”, moderatori tha se i biri është autik.
"Jam brenda për shkak të një kauze që nuk e kam folur asnjëherë me banorët brenda shtëpisë. Loari është njëri prej fëmijëve të tjerë që është me autizëm, kjo ka qenë arsyeja. Nëse fitoj, gjysma për djalin e tjetra për fëmijët në autizëm. Gjej rastin të kërkoj falje për çdo gjë. Unë dua të jem pjesë në jetën e djalit tim. Unë dua të jem pjesë e zhvillimit të tij, ta ndihmoj në pjesën tjetër të jetës. Do i kërkoja publikisht (ish-partneres), që t'i lëmë anash problemet dhe ta lejojë gjysmën time afër meje”.
“Kam shumë emocione kur flas për djalin tim sepse kam muaj që se kam dëgjuar as nuk e kam parë. As në kamerë, as nga afër. Unë nuk kam qenë i pranishëm kur më ka lindur djali. Për herë të parë jam ulur në gjunjë dhe e kam parë përmes telefonit për shkak se nuk kemi pasur viza për të shkuar për ta parë pas lindjes së tij”, u shpreh ai.
Më tej, Meritoni shtoi:
“Kërkoj falje që s’kam mundur të jem pjesë e lindjes së djalit. Për shkak të pandemisë dhe disa problemeve që ka pasur nëna e tij, unë e kam parë djalin kur ai ka qenë 2 vjeç. E kam shumë të vështirë të flas. Takimi i parë, (pashë) një vogëlush kaçurrels të bukur. Kam pasur probleme me mamin e djalit dhe s’mund të tregoj”.
Asokohe pati edhe një reagim nga e ëma e djalit, Egesta, e cila shkroi në Instagram: “Këto ditë kam pranuar mesazhe pafund në lidhje me situatën e fundit. I kam lexuar të gjitha dhe jam përzemërisht falenderuese për fjalët e mira dhe mbështetjen emocionale që më keni dhënë. Nuk është e lehtë kur jeta private zbulohet në një format me kaq shumë vëmendje publike e sidomos kur bëhet fjalë për një fëmijë, por e vërteta gjithmonë triumfon”.
Mandej, postoi një foto të Loarit, ku u shpreh: “Mos u shqetëso zemër, e vërteta gjithmonë fiton. Së shpejti…”, shoqëruar me një emoji që nënkupton një lajm/detaj bombastik.
