Johnny Depp po përjeton një romancë të re në jetën e tij me një modele ruse, 33 vite më e vogël se aktori. 61-vjeçari e ka njohur shumë rastësisht modelen ruse Yulia Vlasova, e cila është 28 vjeçe.
Burime pranë Page Six thonë se ata janë parë shumë shpesh bashkë kohët e fundit dhe janë duke shijuar shumë raportin mes tyre.
Ylli i "Pirates of the Caribbean" dhe bukuroshja bionde thuhet se u takuan në Pragë, ku modelja jeton prej disa vitesh, ndërsa ajo ka dhe një studio make up-i dhe flokësh. Por, Yulia është në udhëtime të vazhdueshme mes Pragës dhe Mbretërisë së Bashkuar, aty ku aktualisht jeton edhe aktori i famshëm.
Fotot e fundit janë kapur nga Daily Mail dhe në to duket çifti në aeroportin e Londrës.
Të veshur shumë thjesht, Depp me xhinse sportive dhe me një pulovër të lidhur rreth belit, atlete të kuqe dhe syze dielli blu. Ai mbante kitarën e tij në njërën dorë, ndërsa Vlasova kishte veshur një bluzë të zezë të shkurtër me pantallona sportive, atlete të bardha, një varëse dhe një çantë të zezë.
Ajo dhe Depp u panë bashkë për herë të parë në koncertin e mikut të tij të ndjerë, Jeff Beck në Pragë në korrik të vitit 2022. Edhe pse modelja nuk ka folur akoma zyrtarisht për marrëdhënien e tyre, ajo ka kërkuar që mediat të respektojnë privatësinë e tyre.
Pasi lajmet për romancën e tyre qarkulluan në media, Yulia ka reaguar në Instagram pak ditë më parë duke u shprehur se: “Miq, ju kërkoj të përmbaheni nga dhënia e çdo interviste për gazetarët në lidhje me mua dhe jetën time personale. Do e vlerësoja mirëkuptimin dhe respektin juaj për privatësinë time.”
Artikuj të sugjeruar:
- Amber Heard akuzon Jason Momoa se donte t’i hiqte rolin në ‘Aquaman 2’: “U vesh si Johnny Depp”
- Thuhet se Johnny Depp (60 vjeç) dhe Jenna Ortega (20 vjeç) janë të lidhur, por si qëndron e vërteta?
- Vajza e Johnny Depp konfirmon romancën me reperen amerikane
- Vajza e Johnny Depp duket fiks si ish-e dashura e tij, Kate Moss, në foton e fundit!
Burimi: Page Six
