Me siguri që ky është një skenar i njohur për ju: Vendosni diçka në një cep të shtëpisë, ndërkohë që ju bie telefoni dhe flisni me partnerin/en apo një koleg/e dhe papritur harroni se ku e keni vendosur atë gjë. Humbja e gjërave nëpër shtëpi na ndodh të gjithëve herë pas here, por ja disa nga motivet se pse ndodh ky fenomen!
#1 Nuk keni shenja dalluese
Zakonisht, kur nëpër shtëpi nuk keni shenja vizuale, nga drita, të etiketat apo hapësira të dedikuara që ju e dini se kanë një funksion të caktuar, kjo çon në hutim teksa kaloni nga njëra dhomë në tjetrën apo thjesht shpërqëndrim.
#2 Keni shumë gjëra
Sipas Angela O'Brien, organizatore profesionale mund të jetë shumë sfiduese të gjesh atë që po kërkon nëse ke shumë gjëra. Ndaj, vendosni alarmin nëse doni të kujtoheni për diçka, apo të zhvendosni sende të ndryshme që nuk janë më të dobishme dhe do e shihni që do jeni më praktikë.
#3 Nuk keni caktuar një hapësirë për artikujt tuaj
Është e pamundur të gjesh gjëra nëse ato nuk janë në një hapësirë të caktuar. Për shembull, a vazhdoni të humbisni pultin e televizorit? Përdorimi i një tabakaje ose shporte dekorative për t’i vendosur ato do e bëjë më të thjeshtë gjetjen e pultit dhe plot sendeve të tjera.
#4 Ju nuk i hiqni artikujt pasi t'i përdorni
Pasi t’i keni vendosur objektet apo sendet në një vend të caktuar, ju duhet të kujtoheni që t’i hiqni prej andej pasi t’i keni përdorur. Çdo mbrëmje, kushtojini 10-15 minuta para gjumit pikërisht sistemimit dhe rregullimit të gjërave nëpër shtëpi.
#5 Nuk përdorni pajisje gjurmuese
Dijeni që problemet me humbjen e gjërave ndodhin edhe në shtëpitë më të organanizuara. Ekspertja këshillon që të përdorni të tilla pajisje që gjurmojnë çelësat, portofolin ose çantën ku ruani kursimet, madje këtë mund ta ktheni në një zakon.
Artikuj të sugjeruar:
Burimi: Real Simple
