Ndershmëria konsiderohet shpesh zgjedhja më e mirë, por ka edhe nga ata persona që mashtrimin e kanë “në gjak”. Gënjeshtarët janë njerëz që mund t'ju bëjnë të besoni trillimet e tyre me aq bindje, sa do të vinit duart në zjarr se janë duke ju treguar të vërtetën. Ja mënyrat më të zakonshme se si gënjeshtarët ju bëjnë t'i besoni:
1. Ruajtja e kontaktit me sy
Në kundërshtim me besimin e shumicës, gënjeshtarët nuk e shmangin domosdoshmërisht kontaktin me sy. Në fakt, shumë gënjeshtarë të zakonshëm raportuan se ata qëllimisht mbajnë ose madje rrisin kontaktin me sy për t'u dukur më bindës. Ky vështrim i drejtpërdrejtë mund t'i bëjë gënjeshtrat e tyre të duken më të besueshme.
2. Zotërimi i shprehive të fytyrës
Gënjeshtarët e suksesshëm janë të aftë të kontrollojnë shprehitë e tyre të fytyrës për të maskuar çdo shenjë mashtrimi. Ata përpiqen të mbajnë një fytyrë neutrale ose të besueshme, duke shmangur çdo pamje frike ose befasi.
3. Ata veprojnë të qetë dhe të sigurt
Një taktikë e zakonshme në mesin e gënjeshtarëve është të projektojë një ndjenjë qetësie dhe besimi. Duke vepruar sikur asgjë nuk është e gabuar apo ndryshe, ata mund të krijojnë një iluzion të së vërtetës.
4. Kontrolli i nervozizmit
Shumë gënjeshtarë kontrollojnë ose pakësojnë me vetëdije nervozizmin e tyre. Ata ruajnë lëvizje normale të trupit, të tilla si kryqëzimi i duarve, për të zvogëluar çdo shenjë që mund t’i nxjerrë “të palarat” dhe t’i shfaqë të shqetësuar apo dyshues në sytë e personit përballë.
5. Ata shtiren si të ndjeshëm
Është interesante se disa gënjeshtarë përpiqen të duken më emocionalë sesa ndihen në të vërtetë. Duke u shtirur të mërzitur apo edhe duke qarë, ata besojnë se mund të bindin të tjerët për sinqeritetin e tyre. Kjo mund t'i bëjë gënjeshtrat e tyre të duken më të vërteta dhe më të vështira për t'u zbuluar.
6. Menaxhimi i tonit të zërit
Gënjeshtarët shpesh ndryshojnë tonin e zërit për të tingëlluar më bindës. Ata përpiqen të ruajnë një ton të sigurt, përdorin zë serioz dhe nuk lejojnë që volumi i zërit të tyre të rritet. Këto përshtatje vokale i ndihmojnë ata të projektojnë një imazh të besueshëm.
7. Kontrolli i detajeve
Së fundi, gënjeshtarët janë të përpiktë me mënyrën se si i menaxhojnë detajet gjatë tregimeve të tyre. Ata kontrollojnë me kujdes sasinë dhe natyrën e informacionit që ndajnë, ndonjëherë duke fshehur detajet kryesore ose duke shtuar ato bindëse.
Këshillë: Gënjeshtarët shpesh ndryshojnë detajet midis gjërave që thonë dhe këto mospërputhje mund të zbulojnë mashtrimin e tyre. Qëndroni “zgjuar” dhe mos bini pre e gënjeshtrave të tyre.
(Një gjë është e sigurt, pas këtij artikulli ose do i dalloni gënjështarët që nga larg, ose do gënjeni si profesionistë).
Artikuj të sugjeruar:
