Disney po punon për një pjesë të dytë të filmit hit të vitit 2006, “The Devil Wears Prada” ("Djalli vishet me Prada").
Përsa i përket vazhdimit, aktorët kryesorë, përfshirë edhe regjisorin David Frankel, pritet të marrin pjesë. Aline Brosh McKenna, e cila përshtati skenarin e filmit nga romani i Lauren Weisberger, është në bisedime për të shkruar skenarin e ri.
Historia thuhet se ndjek Miranda Priestly-n, redaktoren e modës të luajtur nga Meryl Streep, teksa përballet me rënien e interesit ndaj revistave të printuara për shkak të publikimeve në hapësira digjtale.
Kundërshtarja e saj e re është asistentja e dikurshme Emily Charlton (e luajtur nga Emily Blunt në filmin e parë), e cila tani ka fuqinë të vendosë kontrata reklamuese fitimprurëse.
Lauren Weisberger punoi si asistente e redaktores amerikane të Vogue, Anna Wintour, përpara se të merrej me letërsi; Personazhi i Miranda Priestly-t supozohet se është frymëzuar nga ish-shefja e saj, e cila është ende kryeredaktorja e Vogue.
Personazhi kryesor në filmin e parë, Andy Sachs (luajtur nga Anne Hathaway) deri më tani mungon në kastin e filmit të ri.
Artikuj të sugjeruar:
