Protestuesit në Barcelonë kanë spërkatur me ujë vizitorët si pjesë e një demonstrate kundër turizmit masiv.
“Turistë, shkoni në shtëpi” dhe “Barcelona nuk është në shitje” ishin disa prej fjalive që dëgjoheshin në mesin e tyre.
Demonstrata u organizua nga një grup prej më shumë se 100 organizatash lokale, të udhëhequra nga Assemblea de Barris pel Decreixement Turístic, një grup që synon të reduktojë numrin e turistëve në rajon.
Sipas shifrave zyrtare, pothuajse 26 milionë vizitorë qëndruan një natë në rajonin e Barcelonës në vitin 2023, duke shpenzuar 12.75 miliardë euro. Megjithatë, shoqëria civile thotë se këta vizitorë rrisin çmimet dhe bëjnë presion mbi shërbimet publike, ndërkohë që fitimet nga industria e turizmit shpërndahen në mënyrë të padrejtë dhe rrisin pabarazinë sociale.
Këto ankesa janë të zakonshme për shumë zona turistike në mbarë botën, të cilat kanë përjetuar një numër rekord vizitorësh kohët e fundit.
