Shqipëria

Shqipëri/Lind bebi me peshën më të madhe në një dekadë

Shkruar nga Anabel

8 Korrik 2024

Shqipëri/Lind bebi me peshën më të madhe në një
Foto ilustruese
Phynart Studio via Canva Pro

Përmes një postimi në rrjete sociale, ministrja e Shëndetësisë, Albana Koçiu, njoftoi lindjen e foshnjës me peshën më të madhe në dekadën e fundit.

“Bebi me peshën më të madhe i lindur në 10 vitet e fundit, pranë SUOGJ “Mbretëresha Geraldinë”. Ky bebush ka lindur 6,150 gr,” njoftoi ministrja.

Bebi, që gëzon shëndet të plotë, erdhi në jetë përmes një lindjeje të suksesshme natyrale.

Pesha e të porsalindurit e tejkalon peshën mesatare të foshnjave në lindje, e cila varion rreth 3.3 kilogramë.

Urime prindërve dhe me jetë të gjatë!