Capital T, i ftuar në “Top Arena”, sapo na tregoi që e sheh veten jo vetëm me familjen e tij, por edhe me një bebush.

“E shoh veten në një të ardhme të afërt me fëmijë dhe me familjen time”, u shpreh artisti dhe të gjithë menduan se sa të bukur do të jenë bebushat e tij me atë që përflitet se prej kohësh është e dashura e tij. E kemi fjalën për Adrola Dushin.

Ne s’besojmë te rastësitë, pavarësisht se Adrola dhe Capital T s’e kanë pranuar lidhjen e tyre, pooor, modelja, pranoi te “S’e Luan Topi” se është e dashuruar me “djalin më të bukur shqiptar”.

“Mund të themi që është djali më i bukur shqiptar, mjafton?”, tha ajo.

Më tej, kur në sfond u vendos kënga e Capital T, Adrola u shpreh: “Unë këtë këngën e pëlqej shumë, faleminderit që e vendosët. Capital T është shumë i bukur dhe këtë nuk e mohojmë dot”.

Meqë jemi te konfirmimet, edhe Capital T e pranoi se ka në krah një partnere. Në intervistën e tijnë emisionin “Radar” në Radio Dukagjini, ai konfirmoi se është në një romancë dhe tha:

“Po normal që kam një femër në krah. Për mua është më e bukura në botë, për të tjerët s’e di, e kam për vete”.