Fillimi i një pune të re është një hap emocionues në rrugëtimin tuaj profesional, por mund të jetë edhe frikësues sepse në fillim një pjesë e madhe e gjërave do të jenë të panjohura. Ja disa nga mënyrat që mund t'ju ndihmojnë të përshtateni me përgjegjësitë tuaja të reja, kompaninë apo edhe kolegët e rinj.

Çfarë të bëni para ditës suaj të parë:

Suksesi në rolin tuaj të ri fillon një ditë përpara se ju ta bëni zyrtarisht atë.

Si fillim, sigurohuni mbi orarin dhe vendin e punës suaj një ditë më parë. Nëse jeni duke punuar në distancë, përpiquni të mësoni që një ditë përpara nëse kompania do t'ju sigurojë një kompjuter apo do t'ju duhet të përdorni tuajin.

Zgjedhja e veshjes është një tjetër hap që mund të ndihmojë gjatë këtij procesi, ashtu sikurse edhe planifikimi i rrugës. Menaxhimi i këtyre detajeve para kohe, shpesh mund të ndihmojë në zvogëlimin e çdo ankthi që mund të ndjeni për ditën tuaj të parë.

Ndërsa filloni rolin tuaj të ri, përdorni këshillat e mëposhtme për t'ju ndihmuar:

Le të fillojmë nga e para - Kërkoni dhe përdorni burime.

Në fillim do të ketë shumë për të mësuar. Përveç mbajtjes së shënimeve, kërkoni regjistrime, prezantime ose forma të tjera dokumentacioni në mënyrë që të mund të referoni informacione të rëndësishme më vonë. Shënoni çdo burim digjital për lehtësi.

Dëgjoni dhe shkruani pyetjet

Përpiquni të kuptoni atë që mundeni duke dëgjuar më shumë sesa duke folur dhe duke vëzhguar atë që mundeni.

Bërja e të dyjave ka të ngjarë të krijojë pyetje. Mbani një listë të tyre në mënyrë që kur të takoheni me menaxherin ose ekipin tuaj, të mund të shqyrtoni gjithçka menjëherë dhe të merrni përgjigje.

Shikoni strukturën organizative

Mund të ndihmojë të dini se si organizohen gjërat në kompaninë tuaj. Shumica e kompanive mbajnë një grafik organizimi (organigram) të disponueshëm për përdorim të brendshëm, megjithëse mund të gjeni informacion të ngjashëm në një faqe interneti.

Nëse jo, pyesni menaxherin tuaj për njerëzit e rëndësishëm që duhet të dini në departamentin tuaj dhe të tjerët.

Prezantojeni veten me ekipin tuaj

Menaxheri juaj mund të përpiqet t'ju prezantojë me vendin e punës dhe kolegët tuaj ditën e parë. E nëse nuk e bën, përpiquni ta bëni ju.

Ndani pak për veten tuaj në mënyrë që të filloni të ndërtoni marrëdhënie personale me bashkëmoshatarët tuaj. Ju jeni atje për të punuar, por mundeni—dhe duhet—të zhvilloni marrëdhënie për mbështetje.

Ndani idetë tuaja

Është e rëndësishme të dëgjoni kur filloni për herë të parë rolin tuaj, por e rëndësishme është edhe të kontribuosh përmes ideve që ti ndan me kolegët e tu.

Eksploroni mundësitë e zhvillimit profesional

Kompania juaj mund të ofrojë mundësi zhvillimi profesional. Pyesni menaxherin tuaj ose një përfaqësues të burimeve njerëzore, të tilla si marrja e një trajnimi, pjesëmarrja në një konferencë ose partneriteti me një mentor.

Përpos këtyre kategorive, janë edhe disa elemente të tjera shumë të rëndësishëm të cilët duhet t'i mbani parasysh gjatë fillimit të një pune të re.

Mos harroni të kërkoni ndihmë aty ku vërtet e shihni të nevojshme. E fundit, por jo për nga rëndësia, vendosni kufij. Identifikoni çfarë ju nevojitet për të vendosur një ekuilibër të shëndetshëm punë-jetë.

Artikuj të sugjeruar: