Gjumi është thelbësor për mirëqenien tonë të përgjithshme dhe për këtë nuk ka shumë dyshime. Një gjumë i plotë dhe cilësor, forcon sistemin imunitar, si edhe ul rrezikun për prekjen nga sëmundje të ndryshme. E kundërta e kësaj gjendjeje, pra mungesa e gjumit çon në probleme kronike shëndetësore, nga sëmundjet e zemrës, veshkave, presionin e lartë të gjakut, diabeti, goditjet në tru dhe depresioni.
Por, pse pagjumësia prek më shumë gratë se burrat? Ekspertja e gjumit Lindsay Browning ka disa shpjegime për këtë.
Një studim i vitit 2020 që hulumtoi ndryshimin gjinor në raport me shanset për t’u prekur nga pagjumësia zbuloi se kjo gjendje është më e theksuar te gratë se te burrat.
Çfarë e shkakton pagjumësinë?
Sipas National Health Service (NHS), pagjumësia ndikon plotësisht në mënyrën e jetesës dhe kthehet në një problem torturues me kalimin e kohës. Fizikisht mund të shkaktohen dhimbje të kockave dhe kyçeve, ndërsa në aspektin psikologjik ka shumë ndikim në mirëqenien mendore.
Pse pagjumësia është më e zakonshme te gratë?
Ndoshta, sepse ato përjetojnë më shumë ngjarje stresuese, por mund të ketë edhe faktorë të tjerë në lojë! "Gratë përjetojnë më shumë luhatje hormonale gjatë jetës, gjë që burrat nuk e kanë. Mund të jetë cikli menstrual, shtatzënia apo menopauza,” thotë mjekja Browning. Këto luhatje në nivelet e hormoneve lidhen drejtpërdrejt me problemet e gjumit dhe rritja e rrezikut të pagjumësisë fillon rreth moshës së pubertetit. Të gjithë këto faktorë, bashkë me luhatjet hormonale rrisin shanset për pagjumësi te gratë dhe më pak te burrat.
Artikuj të sugjeruar:
