Film Magic

Katherine Schwarzenegger dhe Chris Pratt do të bëhen prindër për herë të tretë, raporton Page Six. Edhe pse ende nuk ka një njoftim zyrtar nga çifti, sërish burime të sigurta kanë bërë me dije se aktorët do të bëhen sërish prindër.

Çifti ka gjithashtu dy vajza, Lyla Maria, 3 vjeç dhe Eloise Christina, 2 vjeç. Pratt ka edhe një djalë 11-vjeçar, Jack, për të cilin bashkëprindëron me ish-bashkëshorten, Anna Faris.

Katherine dhe Chris janë martuar në vitin 2019. 3 vite më vonë, në një intervistë për Us Weekly, Kat u shpreh se është shumë e hapur dhe e adhuron idenë e të pasurit një familje të madhe dhe shumë fëmijë vërdallë. “Kurdo që të jetë plani i Zotit, ne do ta mirëpresim”, u shpreh ajo asokohe.