Afrona dhe Blero janë rikthyer sërish në vëmendje të mediave, për shkak të marrëdhënies të afërt që kanë pas divorcit të tyre, i cili ndodhi 2 vite më parë.
Afrona, përmes një postimi në Instagram, ajo ka publikuar këngën e fundit të Bleros, duke u shprehur: “Mbështetja është çelësi”. Ish-çifti duket se i ka lënë pas hatërmbetjet dhe këtë e kanë treguar edhe në podkastin e shumëpërfolur “Talk with Afrona”.
Blero dhe ish-bashkëshortja shpërthyen në lot, pasi folën për divorcin e tyre. Këngëtari i kërkoi ndjesë Afronës, duke u shprehur:
“Dua të të kërkoj falje publikisht. Në atë kohë kam dashur të qëndroj në Kosovë dhe të mos vija me ty në Zvicër. Ti ke pasur të drejtë, por kokëfortësia ime ka qenë arsyeja kryesore e mosfunksionimit të martesës sonë. Edhe distanca”.
Edhe Afrona pranoi pjesën e vet të fajit, duke thënë: “Ndoshta ka qenë edhe faji që s’jemi ulur dhe nuk i kemi sqaruar gjërat pas shtatë viteve. Ka qenë edhe ky faji im, vetëm jam zhdukur nga jeta jote sepse kam pasur mllef brenda vetes, vuajtje, dëshpërim. Thjesht më është dashur shumë kohë”.
Të dy ata dhanë një shembull për marrëdhëniet e mira që duhet të ruhen pas divorcit.
“Është mirë kur jep një shembull që pas ndarjes mos të urrejmë njëri-tjetrin dhe të pranojmë ndarjen. Jemi njerëz gabojmë. Kam një këshillë për të gjithë burrat, për dikë që ke dashuri, duhet të vlerësohet gjithçka. Nëse vjen deri te martesa, vlerësoje atë që ke, respektoje dhe bëhu i drejtë,” u shpreh Blero i përlotur.
Artikuj të sugjeruar:
