Blero dhe Afrona, ndonëse janë divorcuar, sërish ruajnë një raport të mirë. Domthenë, aq të mirë sa mund të ketë edhe një flirt në Instagram, para syve të gjithë botës. Blero do të jetë i ftuar në “Alba Festival” dhe bëri me dije pjesëmarrjen e tij.

Në postim, me shumë komenteve, u vu re edhe ai i Afronës, e cila shkroi: “Shumë suksese! Digje!”. Blero e kapi direkt mundësinë dhe i tha se nëse Afrona nuk vjen, ai s’do e këndonte këngën e saj.

Disa komentues uruan një bashkim mes ish-çiftit.

Blero dhe Afrona, pak kohë më parë, kanë shpërthyer në lot në podkastin e saj, “Talk ëith Afrona”, në të cilin ajo e pyeti Bleron se pse martesa e tyre nuk funksionoi. Blero ia ktheu se ajo u zhduk nga jeta e tij dhe ne qëndruam në pritje dhe gjithë sy e veshë, por podkasti nuk u publikua.

Blero konfirmoi ndarjen nga ish-bashkëshortja në tetor të vitit 2020. Përmes një postimi të gjatë në Instagram, ai u shpreh se ndihej i detyruar t’u tregonte ndjekësve se ç’po ndodhte me jetën e tij, pas interesit të vazhdueshëm dhe vëmendjes së madhe që mori ish-marrëdhënia e tij, pasi qarkulluan zërat për ndarje nga Afrona.

“Të kthehem edhe një herë te fillimi i letrës, meqë do të jetë adresimi im i fundit lidhur me këtë temë. Unë dhe Afrona Dika i kemi dhënë fund martesës sonë 2-vjeçare në maj të këtij viti. Arsyet janë tërësisht personale dhe na përkasin vetëm neve. Nuk ka pasur në asnjë moment hapësirë për interpretim, keqinterpretim, apo përdorim të imagjinatës”, u shpreh këngëtari asokohe.