Justin Timberlake është ngjitur në skenë pas lajmeve të arrestimit në New York. Këngëtari 43-vjeçar u shpreh se kjo ka qenë një javë e vështirë për të, para se të performonte këngën “Selfish”.
“E di që ndonjëherë është e vështirë të doni, por ju vazhdoni të më doni dhe unë ju dua gjithashtu”, u shpreh ai, ndërsa turma e duartrokiti. Ky është reagimi i parë nga këngëtari, pasi kudo bëri bujë lajmi se u prangos sepse po i jepte makinës në gjendje të dehur.
Sipas një njoftimi të publikuar nga departamenti i policisë “Sag Harbor”, më 18 qershor 2024, Justin Timberlake u arrestua pasi u raportua duke ngarë makinën e tij BMW në rrugën “Madison” në gjendje të dehur. Ai injoroi lajmërimin e policisë për të ndaluar”. Pas ndalimit, policët vunë re se ai kishte konsumuar alkool. Më tej, u arrestua, u ndoqën procedurat dhe kaloi një natë në rajon.
Ai u shpreh se thjesht kishte pirë një martini, por gjithsesi, këngëtari i “Cry Me a River” nuk ia doli dot t’ia hidhte paq.
Artikuj të sugjeruar:
