Ilir Meta, në fjalën e sotme në partinë e Lirisë, foli më gjatë për arsyet e divorcit me ish-bashkëshorten, Monika Kryemadhi. Ai tregoi se marrëdhënia u kris pas djegies së mandatit dhe u kërkoi ndjesë familjarëve të tij.
“Marrëdhëniet tona kanë pësuar krisje të fortë që nga vendimi për djegie të mandateve që u morën me sakrificë dhe gjak në betejë të hapur ndaj koalicionit anti-Meta të 17 majit, të prindit 1 dhe 2. Qëndrimet e saj në kah të kundërt me kauzat që unë mbroj duhet të merrnin fund dhe vendimi ynë i jep fund çdo vendimi të panevojshëm. Mirëkuptoj çdo reagim të gjithkujt dhe përgjegjësitë e mia lidhen me qindra njerëz”.
Ai saktësoi se nuk po ndahet për një grua tjetër, ndërsa u kërkoi ndjesë prindërve dhe 3 fëmijëve të tij. “Nuk po ndahem me një grua për një grua tjetër, por për të mbushur kauzat për të cilat kjo marrëdhënie ishte krijuar. Ndjesë fëmijëve e prindëve të mi”.
“Vendimet e mia i shërbejnë përmbushjes së kauzave të mëdha. Ky vendim nuk lidhet me raportin me të si grua dhe nënë e 3 fëmijëve tanë. Nuk po ndahem me një grua për një grua tjetër, por për të përmbushur kauzat. U kërkoj ndjesë 3 fëmijëve të mi të mrekullueshëm për shqetësimet. U kërkoj ndjesë prindërve dhe të afërmve, që më kanë edukuar me ndjenjën e detyrës. E mora këtë vendim për të shkuar deri në fund betejës me mafien që shantazhin e ka natyrën më të egër dhe të ndyrë. Mafia ka dhunuar normat tona zakonore. Interesi kombëtar ka mbizotëruar në interesin tim 30 vite dhe asnjëherë ai familjar. E gjithë jeta ime i përkushtuar integrimit të Shqipërisë”, tha ai.
Ilir Meta, kryetari i Partisë së Lirisë dhe ish-presidenti i Shqipërisë, konfirmoi më 20 qershor se ai dhe Monika Kryemadhi kanë nisur procedurat e divorcit. Ilir Meta, në një deklaratë publike, e cilësoi Monikën si “ish-bashkëshorten” e tij dhe shtoi se çështja po ndiqet në rrugë juridike.
“Znj. Monika Kryemadhi është tashmë ish-bashkëshortja ime dhe sot kam ndjekur edhe rrugën juridike për këtë çështje. Kam njoftuar edhe djalin tim, Besar Ilir Meta”, u shpreh ish-presidenti.
Iliri dhe Monika kanë qenë të martuar që prej tetorit të vitit 1998 dhe kanë 2 vajza dhe një djalë.
Artikuj të sugjeruar:
