Ndërkohë që Romeo dhe Heidi ndodhen në Itali për të shijuar pushimet pas daljes nga “BBVA 3”, Jul Deda vijon të flasë për ta. I ftuar në “Wake Up”, aktori i humorit tha se nuk ka folur ende me Romeon dhe Heidin. Sigurisht, kjo është hera e disatë që Juli e përmend një fakt të tillë.
“Kur Heidi ka qenë në këtë studio ka thënë emrin tënd si një person që do të mund të takohej dhe të fliste…”, i tha moderatorja Neada Muça dhe menjëherë Juli u përgjigj: “Nuk më ka marrë në telefon akoma. Ka gënjyer”, duke qeshur.
Më tej, vijoi:
“Kam pasur një marrëdhënie shumë të mirë me të aty brenda, në shumicën e rasteve ishim në të njëjtën mendje. Ishte e drejtë në shumë momente. Si vajzë nuk e ndryshoj perceptimin që kam për të, si lojtare është muhabet tjetër pastaj. Për mua Heidi vazhdon të jetë një vajzë inteligjente dhe e di se çfarë do”.
Aktori i humorit iu përgjigj edhe pyetjes se me cilët banorë nuk ka pasur komunikim dhe gjeje pak kë përmendi. Sigurisht, Romeon dhe Heidin.
“Me Heidin dhe Romeon nuk kam pasur komunikim. Nuk jam takuar, ata kanë qenë në lëvizje. Me Eglën jemi takuar në studio televizve, por nuk kemi folur në telefon. Pastaj me të tjerët kam pasur kontakt”, përfundoi Juli.
Juli, pak ditë më parë, s’e kurseu edhe një ironi për binjakët Veshaj. I ftuar tek “Top Arena”, aktori tha se ka tentuar t’i telefonojë binjakët, por telefoni i tyre rezulton i fikur.
“E kam kërkuar tek emisionet për të humburit, po e kërkojmë. I kam rënë telefonit dy apo tre herë, por më del i fikur. Jam unë dashuria e tij e parë dhe ai duhet të vijë vetë te dashuria e tij,” tha Juli me ironi.
Nuk e dimë pse Juli e ka kaq të domosdoshme të flasë me Heidin, Romeon (dhe Donaldin), por mendojmë se duhet të përqafojë mantrën “I don’t chase, I attract”.
