FOTO: BRIZMAKER/GETTY IMAGES

Një nga pengesat më të zakonshme që kanë njerëzit sa herë mendojnë për të arreduar shtëpinë është pikërisht zgjedhja e ngjyrave. A duhet diçka e guximshme, doni të qendroni tek tonet neutrale apo doni të “luani” në mënyrë të sigurt duke i besuar instinktit tuaj? Pasi të keni zgjedhur ngjyrën dominuese, atëherë gjetja e mobiljeve apo orendive për të plotësuar hapësirën e shtëpisë kthehet në sfidë më vete. Megjithatë, ju vjen në ndihmë rregulli "60-30-10"!

Çfarë është ky rregull?

Mos u frikësoni nga numrat! Ju sigurojmë se rregulli "60-30-10" është vetëm një mënyrë e thjeshtë për të menduar për ngjyrat në shtëpinë tuaj.

"Paleta e ngjyrave mund të ndahet në tre pjesë, duke përdorur rregullin "60-30-10". Pra, 60% e hapësirës është një ngjyrë dominuese, 30% një ngjyrë plotësuese dhe 10% një ngjyrë e theksuar," thotë interior dizajnerja Amber Guyton.

Në praktikë, kjo mund të duket si formulë që vlen vetëm për dhomën e ndjenjes, por në fakt ka vlerë për të gjithë shtëpinë. Ngjyra e mureve, e mobilieve, pikturat, ngjyra e dyerve dhe dritareve, madje edhe detajet më të vogla si jastëkët apo qilimat kanë goxha rëndësi.

Si ta aplikoni rregullin “"60-30-10"” në shtëpinë tuaj?

Zbërthimi i këtij rregulli është në varësi të hapësirës që do të arredoni. Elementët që përbëjnë 60% të hapësirës në shtëpi janë muret, një divan i madh dhe një qilim. Në kuzhinë, 60% mund të zbatohet për bufenë, 30% për nuancën e pjesëve anësore dhe 10% për pajisjet e kuzhinës dhe ato elektroshtëpiake.

Qëllimi është të krijoni një hapësirë ku ndiheni mirë dhe çdo detaj përcjell një ndjesi gëzimi në shtëpinë tuaj. Luani sipas rregullave, por edhe trendeve të arredimit dhe dëshirave tuaja për të krijuar një hapësirë të paqtë dhe komode ku ndërveproni çdo ditë.

Artikuj të sugjeruar:

Burimi: Real Simple