Këngëtari Justin Timberlake është arrestuar mbrëmë në Hamtons në New York, teksa drejtonte makinën në gjendje të dehur.
43-vjeçarit i janë vënë prangat mbrëmjen e djeshme dhe pritet që sot të dalë para gjykatës. Mediat thonë se Justin, pasi ka takuar disa miq të tij në një bar në San Harbour, është larguar duke hipur në makinën e tij, mesa duket në gjendje të dehur.
Ka qenë policia që e ka dalluar gjendjen e artistit, që pritet të dalë sot para gjykatës në New York. Ylli i pop-it ka dy koncerte në Chicago këtë javë dhe një tjetër në Madison Square Garden në New York, javën e ardhshme.
Kujtojmë që reagimi i fundit publik i Timberlake ka qenë pardje virtualisht në Ditën e Baballarëve, kur këngëtari postoi në Instagram një foto me dy fëmijët e tij. Ai shkruan:
"Dy dhuratat e mia më të mëdha. Unë mësoj më shumë për veten çdo ditë vetëm sepse ju të dy më zgjodhët mua si babin tuaj."
View this post on Instagram
Artikuj të sugjeruar:
Burimi: TMZ
