Gisele Bündchen dhe Joaquim Valente thuhet nuk janë më bashkë dhe arsyet duket se kanë lidhje me Tom Brady-n, ish-in e supermodeles. Një burim i tha “InTouch Weekly” se "vëmendja e tepërt" për Valente-n, trajnerin e arteve marciale jiu-jitsu, me të cilin Gisele është në një lidhje romantike prej vitit të kaluar është ndër të tjera një ndër shkaqet e ndarjes.
"Joaquim është një djalë i rregullt," tha burimi. "Ai nuk është mësuar me gjithë vëmendjen që po merr."
Ndërkohë që mbetet ende e paqartë se kur mund të jenë ndarë saktësisht Bündchen dhe Valente, ata nuk janë fotografuar së bashku që nga fundi i muajit prillit.
Por, cila është lidhja e ish-it të supermodeles me gjithë këtë histori?
Shkak për këtë u bë një seri sarkastike në Netflix, ku Tom Brady ishte protagonist dhe u ngacmua nga komedianët Kevin Hart dhe Nikki Glaser për ish-partneren e tij dhe të dashurin e saj.
“Joaquim u bë pjesë e shakasë. Njerëzit në fakt filluan ta pyesnin nëse ai ishte arsyeja e divorcit të tyre dhe ai e urrente këtë fakt," shtoi i njëjti burim.
Gjatë bisedave në studio, komedianët e ngacmuan disa herë Tom-in për Gisele duke i thënë: “Tom, duhet ta dish se i dashuri i ish-it tënd mund të të rrahë,” bisedë që u ndoq nga mijëra shikues.
Ata gjithashtu bënë shaka edhe me faktin se e vetmja që e mirë që mund të bënte Gisele ishte që të provonte “jiu-jitsu" dhe artet marciale nga partneri i saj. Duket se të gjitha këto ndikuan që Joaquim të tërhiqej nga romanca, për hir të vëmendjes së tepërt mediatike, por edhe shenjëstrimit nga mediat për lidhjen me Gisele.
Show "Netflix's live special, The Greatest Roast of All Time: Tom Brady", është një ka seritë sarkastike dhe humoristike të Netflix, me të ftuar të përjavshëm specialë, drejtuar nga Tom Brady.
Supermodelja dhe Tom konfirmuan ndarjen e tyre në tetorin e vitit 2022 pas 13 viteve martesë, ndërsa ata janë prindër të dy fëmijëve, Benjamin dhe Vivian.
Artikuj të sugjeruar:
Burimet: Page Six
