Reperi Mc Kresha i ftuar në “Top Arena” foli për planet e tij për të zgjeruar familjen. Ai u shpreh se në fakt, qejfi ia ka për një fëmijë të tretë.

“Me qejf e kam, por nuk varet vetëm nga unë”, theksoi reperi.

Më tej, ai shtoi se si artist, do të donte shumë që fëmijët të merreshin me muzikë, por kur të rriten mund të vendosin vetë se ç’duan të bëhen:

“Unë si artist nuk do doja që fëmijët të merreshin me muzikë. Por arti nuk është profesion, është talent. Vajza ime që në moshën 2-vjeçare pikturon, ka edhe prirje për të kënduar. Dua që me kalimin e kohës, të jetë ajo e zonja dhe të vendosë çfarë të dojë në jetë”.

Rikujtojmë se Mc Kresha dhe partnerja e tij, Erzina Shehu, janë prindër të një vajze dhe të një djali. Vajza, Iza, erdhi në jetë në vitin 2020 dhe të një djali që sipas zërave, ka lindur më 23 shkurt 2022.

Kresha dhe Erzina u martuan në dhjetor të 2019-s në një ceremoni që pritej të ishte private, por nuk rezultoi e tillë për sa kohë njerëzit patën telefonat me vete.