Bebe Rexha ka shpërthyer kundër ish-bashkëpunëtorit të saj në hitin “Me, Myself & I”, G-Eazy, duke e quajtur “dështak mosmirënjohës”. Rexha publikoi një foto në Instastory, në të cilën shfaqet një bisedë në Instagram ku një anëtar i skuadrës së saj e pyeste nëse kishte interes që të bënte kontent për rrjete sociale me reperin.
Bebe shkroi: “G-Eazy, ti e ke numrin tim. Pse nuk më shkruan dhe të më pyesësh vetë, dështak mosmirënjohës? Je me fat që njerëzit të kanë prapë qejf”, duke shtuar se ai e ka trajtuar shumë keq pasi këngëtarja i dha hitin e famshëm.
“Meqë ra fjala, përgjigjja është jo! Uroj të jesh mirë”, përfundoi Bebe.
Nuk dihet se për çfarë janë grindur artistët, pasi deri para pak vitesh marrëdhënia e tyre ishte e mirë.
Ata janë shfaqur disa herë nëpër evente bashkë, por mesa duket, i kanë dhënë fund miqësisë.
Artikuj të sugjeruar:
