Për ty që ende nuk e di se ç’bëhet vërdallë, Billie Eilish ka publikuar albumin e ri “Hit Me Hard and Soft” dhe këngët e saj janë bërë virale në TikTok. Mes njerëzve që e pëlqejnë muzikën e saj apo e përdorin si sound, janë edhe ata që vrapojnë çdo ditë
Nëse edhe ti je një prej personave që bën vrap për dhjetëra avantazhet që ky aktivitet ka, TikTok-u të thotë të dëgjosh këngën “Chihiro” dhe do të ndjesh një tjetër eksperiencë, thuajse të pazakontë dhe surreale, madje se i ka ndihmuar edhe të vrapojnë më shumë, pasi s'e ndiejnë kohën. Kështu thotë TikTok-u të paktën (unë s’e di se nuk vrapoj).
Në rrjetin social qarkullojnë me mijëra video që i bashkohen një përjetimi të tillë.
@iamanasbruh couldn’t hold my laugh at the end but this my song frfr @BILLIE EILISH #fyp #chihiro #fyp?? #vira ? CHIHIRO - BILLIE SUPREMACY
@korayozkan22 main character vibes #running #chihiro #rain #vibe #maincharacter #viral #fyp ? CHIHIRO - BILLIE SUPREMACY
Disa thonë se u pastron mendjen nga mendimet negative; ca të tjerë se është një këngë që të shkëput nga realiteti; disa të tjerë se harrojnë gjithçka dhe përqendrohen te vrapi.
“Chihiro” është një këngë e frymëzuar nga anime “Spirited Away” nga Hayao Miyazaki. Personazhi kryesor, Chihiro përjeton humbjen, sakrificën, dashurinë e vërtetë, besnikërinë dhe qindra emocione, në një botë ku njerëzit kthehen në kafshë dhe gjallesa të tjera, sipas veseve që kanë në tokë (të sugjeroj shumë ta shohësh).
Billie ka thënë se ky është një film shumë i dashur për të. “Vizualet e filmit janë ndër më të mirët që janë bërë ndonjëherë dhe ajo që bën Studio Ghilbi (studioja e Hayao Miyazaki) është e pabesueshme. Thjesht pashë filmin dhe Finneas (i vëllai i Billie) bëri beat-in. E dua atë film. E kam parë shumë herë ”, u shpreh artistja për Rolling Stone.
Billie ka qenë vetë regjisorja e videoklipit, në të cilin ajo zbulon korridore me dyer të mbylluara. si përfundim, ajo gjen një tjetër person (Nat Wolf) dhe raporti i tyre është herë agresiv, herë i ndjeshëm dhe ndonjëherë edhe i paqartë, duke qenë se djali mund të zhduket.
Artikuj të sugjeruar:
