Out and About

Disa truke si t’i lani reçipetat në mënyrën e duhur me dorë ose në lavatriçe

Shkruar nga Anabel

10 Qershor 2024

Disa truke si t’i lani reçipetat në mënyrën e duhur

Le të mos bëhemi dramatik që në fillim, por na besoni që mënyra se si ju i lani reçipatat mund t’ju ndryshojë jetën. Reçipetat janë në kontakt direkt dhe të vazhdueshëm me lëkurën tuaj, ndaj ka shumë rëndësi mënyra si i lani nëse doni që t’i ruani gjatë dhe të jenë si të reja në dollapin tuaj.

Ja disa mënyra të thjeshta se si ta bëni këtë proces, nëse vendosni t’i lani ato me dorë ose me lavatriçe:

Procesi i larjes me dorë:

-Shtoni një sasi të vogël detergjenti në një kovë me ujë të vakët

-Fusni aty reçipetat dhe fërkojini pak me dorë, por mos i shtrydhni

-Lërini në ujë për 10 minuta

-Shpëlajini me ujë të pastër

-Vendosini reçipetat në një peshqir të pastër dhe të thatë, palosini butësisht, kjo për të hequr ujin e tepërt

-Hapini për t’i tharë në ajër të pastër në ambient të jashtëm, por mos i kapni me kapëse rrobash, por varini në pjesën qendrore të kupave

-Asnjëherë mos e varni nga rripat, pasi pesha nga uji mund t’i varë ato

Disa truke si t’i lani reçipetat në mënyrën e duhur

Procesi i larjes me lavatriçe:

-Lidhni rripat së bashku dhe vendosini në një qese rrobash rrjetë që përdoret për lavatriçe

-Zgjidhni ciklin delikat të larjes

-Përdorni detergjent të lëngshëm dhe zgjidhni ujë të ftohtë

-Varini pasi t’i keni nxjerrë nga lavatriçja

Këshilla shtesë për kujdesin:

Ekspertët thonë se reçipetat duhet të lahen pasi janë veshur 2-3 herë. Gjatë verës ndoshta duhen larë edhe më shpesh, pasi vera dhe djersitja bëjnë të vetën. Ju duhet të shihni edhe etiketat në secilën palë të tyren, duke e bërë kështu më të lehtë metodën që ju zgjidhni për larje.

Artikuj të sugjeruar: