Në finalen e podkastit “MeKast”, Megi Pojani diskutoi me motrat e saj, Marselën dhe Inën për ndarjen e bujshme të Xhensilës dhe Besit. Sipas Megit, shkaku i ndarjes është varësia e Besit ndaj alkoolit, e cila e ka bërë aktorin e humorit të mos jetë prezent në familje. Megi u shpreh se ish-çifti janë ndarë e bashkuar për disa herë, por s’kanë arritur të gjejnë dot një zgjidhje për problemet e tyre.
“Kam dëgjuar që Xhensila ka pasur një dëshirë për t’u ndarë për një kohë të gjatë, kanë pasur edhe shkëputje. Di që arsyeja kryesore ka qenë varësia e Besit ndaj alkoolit, që e ka bërë të pamundur vazhdimësinë e marrëdhënies. Ka nisur një problem nga varësia, ka vazhduar me shpresën që kjo gjë do ndalojë dhe ai do rehabilitohej dhe do ishte në prani të familjes. Nuk ishte prezent në përditshmërinë e familjes së vet”, u shpreh Megi.
Ajo gjithashtu foli edhe për këngën “Mosmirënjohja”, teksti i së cilës është shkruar nga Bes Kallaku dhe zërat thonë se është një dedikim për ish-bashkëshorten:
“Është më shumë një poezi, m’u duk një goditje shumë e ulët dhe tentativë e ulët për të vendosur në shënjeshtër ish-gruan e vet. Pa i hyrë nëse është e vërtetë, ka qenë i vetëdijshëm që do bëhet viral në TikTok dhe njerëzit do të krijojnë një histeri publike që do ta ketë në kurriz Xhensila. Ajo do jetë shënjestra si ‘një grua e keqe që me dy fëmijë që la Besin sepse paska qenë mosmirënjohëse’”, tha moderatorja.
Ndërsa Marsela rrëfeu se ushtrohet në të njëjtën palestër me Xhensilën, e cila shpeshherë shkon edhe me karrocë dhe me vajzën e vogël: “Xhensilën e kam në palestër, stërvitet dhe është sistematike. Vjen me vajzën e vet, ndonjëherë vjen edhe me karrocë. Fëmija vjen vërdallë dhe ajo e mbaron stërvitjen deri në fund. Ka një disiplinë që më pëlqen. Nuk e kam njohur më parë, por kam një simpati tjetër sepse më ka pëlqyer shumë dhe duket shumë mirë”.
Xhensila dhe Besi i dhanë fund martesës pas shumë vitesh së bashku. Ata janë prindër të dy fëmijëve, Ajkës dhe Amenit.
