Sabrina Carpenter publikoi këngën e saj “Please Please Please”, ku i konfirmoi botës thashethemet që po qarkullonin prej muajsh se ajo është në një lidhje me aktorin e “Saltburn”, Barry Keoghan.

Që prej publikimit të videoklipit, i cili e gjen Sabrina-n në burg, pasi u arrestua në fund të videoklipit të këngës “Espresso”. Ajo lirohet nga burgu dhe takohet me partnerin e saj kriminel. Ai burgoset, më pas fiton lirinë dhe rikthehet te mënyrat e tij të vjetra kriminale. Ai kërcënon me armë një grua dhe arrestohet sërish.

Videoja ka referenca të dyshes famëkeqe Bonnie & Clyde dhe në fund të videos, Sabrina e merr të dashurin e saj nga burgu, e çon në një shtëpi të braktisur, e prangos, i mbyll gojën dhe i dhuron një puthje, ndërsa e shohin njëri-tjetrin me pasion.

Teksti i këngës i dedikohet pikërsht Barry-t, të cilit praktikisht, Sabrina i thotë “të lutem, mos më turpëro/ mos më bëj të qaj, kur e kam bërë makeup-in kaq bukur/ e di që njerëzit bëjnë gabime, por ti mos i bëj”. Pra, nuk është një këngë tipike romantike, por një paralajmërim.

Ç’bëri Barry? Publikoi këngën në Instagram dhe tanimë ndjek vetëm një person: Të dashurën e tij, duke realizuar kështu ëndrrën e internetit.

Kudo nëpër TikTok po qarkullon kjo video dhe njerëzit janë çmendur! Disa e quajnë “ikonike” këngëtaren sepse ka bërë një këngë të tillë për të dashurin, i cili është edhe aktori në video.

Disa të tjerë i referohen si “gjeniale”.

Shumë të tjerë konfirmojnë se tanimë e shohin aktorin siç e sheh ajo dhe u duket më seksi se kurrë.

Pra, duket se Sabrina, e cila mori famë prej paraqitjeve në turneun “ERAS” të Taylor Swift, pasi këndonte ‘nonsense’ që ishin vargje të krijuara në moment, në përshtatje me vendin ku bëhej koncerti, veshjeve të saj me funde/fustane mini dhe çizmeve me platformë, po bën lëvizjet e duhura në karrierë dhe sipas internetit, edhe në dashuri.