Alban Skënderaj do të rikthehet me një koncert madhështor në “Air Albania”, më 6 qershor dhe ka zbuluar detajet e këtij eventi në një konferencë për shtyp. Albani u shpreh se nuk do të jetë një koncert tipik që të bën të meditosh, por do të ketë më shumë energji dhe gjallëri.

“Ishte momenti për të kurorëzuar diçka të madhe. Thelbi është muzika, përmasat janë gjigante. Koncerti do jetë shumë i bukur dhe energjik, nuk do jetë ai koncerti meditativ dhe do ketë më shumë energji. Gjithsesi janë edhe momentet kyçe ku unë rrëfehem”, u shpreh këngëtari përballë gazetarëve.

Në këtë koncert do të ngjitet në skenë edhe Miriam Cani, së bashku me 2 artistë të tjerë, për të dhuruar performanca.

“Moti” shënjon 20 vitet e karrierës së Albanit, i cili përmes hiteve të shumta ia ka dalë të qëndrojë për 2 dekada në vëmendjen e publikut.

Ai ka bërë reflektime mbi karrierën, dashurinë dhe frymëzimin në “INSPIREpodCLASS” me Alketa Vejsiun, ku foli edhe për mundësinë e krijimit të një albumi me Miriamin, por ashtu siç do ajo.

“Jam shumë me fat, sepse Miriami është shumë mbështetëse. Për momentin, ajo është më e emocionuar për koncertin sesa unë. Unë duhet ta qetësoj atë, kur në fakt nuk ka shumë sens, sepse unë duhet të qetësoj edhe veten. Ajo i përjeton shumë (për mirë) gjërat që bëj”, u shpreh Albani.

Siç e thamë edhe më sipër, koncerti do të zhvillohet më 6 qershor (nesër) dhe për ty që jeton rrezikshëm dhe s’ke blerë biletat, kliko në këtë link për të marrë biletën tënde.