Si një shenjë shumë e ngadaltë dhe e kujdesshme për të krijuar një angazhim të ri, ti do të ndjekësh fillimisht gjithë ëndrrat e tua dhe më pas, të kesh një partner. Duke qenë se ti ëndërron të eksplorosh botën, do që personi tjetër të qëndrojë në shtëpi dhe të merret me të gjitha çështjet e tjera. Shpeshherë liria jote të ka sjellë probleme në lidhje, por ndoshta ky është muaji kur e lë zemrën tënde të lirë dhe dashuron.
 
Më 6 qershor, 5 trupa qiellorë do të zhvendosen te Binjakët në sektorin e martesës dhe dashurisë, për t’u kujdesur për romancën tënde. Jupiteri nuk ka qenë në këtë pjesë të grafikut tënd për plot 12 vjet, ndaj bëhu gati të bekohesh me dhurata dhe shumë fat. Jupiteri përqendrohet në shtëpinë e martesës, partneritetit dhe bashkëpunimit dhe do të jetë te Binjakët për gati një vit. Ti do të përfitosh nga ky moment i rëndësishëm, sidomos në aspektin e romancës.
 
Ti mund të marrësh një propozim për martesë, apo një hap tjetër të rëndësishëm gjatë këtij muaji. Rrallëherë ke pasur një moment më të mirë për t’i dhënë zemrën një tjetër personi. Nëse nuk je i/e interesuar për martesë, mund të kesh një partner të ri në fushën e biznesit. Më 2 qershor, sundimtari i shenjës tënde, Jupiteri, do të bashkëpunojë në mënyrë të përkryer me Plutonin, kështu që kjo do të jetë një kohë fantastike për të vendosur të nënshkruar një kontratë të re.
 
Sapo Marsi të zhvendoset te Demi më 8 qershor për të qendruar deri në muajin tjetër, do të zbulosh se projektet e punës do të shtohen fuqishëm dhe se këto detyra do të vijnë me një ritëm të shpejtë. Nëse je i/e vetëpunësuar mund të fitosh para nga biznesi yt.
 
Nga 21 qershori e në vijim, paratë do të jenë në mendjen tënde, duke qenë se do të ndodhë një Hënë e plotë në Bricjap. Për 4 ditët në vijim ti do të dëgjosh se je shpërblyer për një punë, ke fituar një projekt në të cilin ke aplikuar më herët, apo ke një intervistë të rëndësishme pune. Por, kjo Hënë e plotë mund të ndikojë tek ti edhe në aspektin e martesës, pasi nëse ke pasur në plan martesën, do të bësh bashkë financat e tua dhe të personit të zemrës. Mund të duash të hapësh një llogari të përbashkët, të marrësh një kredi bashkë me të, ose edhe të bësh një marrëveshje paramartesore.
 
Por, kjo Hënë e plotë mund të sjellë edhe një shpenzim të papritur. Neptuni do të jetë në një kënd të vështirë me këtë ngjarje qiellore dhe ti mund të hasesh me sfida të ndryshme në shtëpi, sidomos në çështje të lidhura me ujin.

Shtëpia jote e gjashtë e detyrave dhe punës do të lulëzojë! Kjo, për shkak se 5 trupa qiellorë do të aktivizohen më 6 qershor, në Hënë e re te Binjakët, për të të sjellë më shumë fat dhe lajme të reja. Njerëzit që ti njeh do të shkojnë me pushime dhe do të shijojnë verën, ndërsa ti, me shumë gjasa prej axhendës së zënë, do t’i shtysh pushimet për në shtator. Tani për tani, biznesi dhe industria ku ti punon po ecën me një ritëm shumë të shpejtë, ndaj është mëse e këshillueshme që të bësh më të mirën.
 
Nëse je një person i punësuar, mund të marrësh një bonus ose një pagesë për punën jashtë orarit, si dhe për besnikërinë e treguar ndaj punëdhënësit. Detyrat që do të përmbushësh këtë muaj do të kërkojnë një përqendrim të lartë, pasi me Saturnin që sfidon Hënën e re, do të të duhet të jesh më vigjilent/e dhe i/e përqendruar. Duke qenë se Saturni do të ndriçojë shtëpinë tënde të tretë, do të marrësh një projekt që lidhet me redaktimin, kërkimin, përkthimin, kodimin, ose me disiplina të tjera të ngjashme. Nëse puna jote lidhet me ligjin, do të të duhet të kontrollosh një kontratë ligjore. Hëna e re e 6 qershorit te Binjakët do të të sjellë 2 detyra të rëndësishme ose 2 klientë fitimprurës.
 
Neptuni po udhëton ngushtë me Saturnin, ndaj nëse ke ndonjë gjë të paqartë në lidhje me këtë projekt, është momenti të pyesësh dhe ta zgjidhësh. Mos harro: Ky projekt ka fuqinë të të çojë në një tjetër nivel në karrierë dhe me shumë gjasa, do të marrësh një promovim ose më vonë, gjatë këtij viti, do të marrësh një mundësi të artë pune.
 
E njëjta Hënë e re e 6 qershorit do të të ndihmojë të kesh një shëndet më të mirë. Kjo është një periudhë e përkryer për të nisur një sport të ri, për të bërë analizat dhe për të përfituar paqe dhe kujdes ndaj vetes.
 
Në Hënën e plotë te Bricjapi, më 21 qershor, diçka e rëndësishme do të ndodhë dhe një cikël do të përfundojë. Ti do të japësh vulën përfundimtare për marrëdhënien me një partner/e romantik/e ose do të mund të nënshkruash një kontratë. Gjithashtu, nuk përjashtohet mundësia e fejesës apo martesës gjatë kësaj periudhe.
 
Shtëpia jote e shtatë rregullon dashurinë romantike dhe individët që janë partnerë të rëndësishëm biznesi, ekspertë ose bashkëpunëtorë. Në qershor, ti ke Afërditën dhe Mërkurin në shtëpinë e romancës. Të dy planetet ndodhen te Gaforrja dhe të motivojnë t’i kushtosh vëmendje kësaj fushe.
 
Muajin tjetër, më 21 korrik, do të kesh një tjetër Hënë të plotë në Bricjap. Megjithëse kjo duket e pazakontë, ndodh herë pas here. Deri në fund të korrikut, ti dhe partnerët në të gjitha fushat e jetës, do të gjendeni në një terren më të fortë dhe do të keni të njëjtat qëllime. Ndërsa ecën përpara, ti do të arrish ta sistemosh jetën në shumë drejtime.

Copyright Anabel.al / Ndalohet ribotimi pa lejen e redaksisë.