Vajza e Brad Pitt dhe Angelina Jolie, Shiloh, sapo mbushi 18 vjeç, bëri kërkesën për të mos e pasur më mbiemrin e të atit. Ajo ka marrë vendimin të distancohet nga lidhja me të atin dhe të mbajë thjesht mbiemrin e së ëmës, Jolie.
TMZ konfirmoi lajmin, i cili vjen disa ditë pasi një tjetër fëmijë i çiftit, Vivienne, vendosi që gjithashtu të quhej thjesht “Vivienne Jolie”, duke e hequr mbiemrin e të atit. Fëmijët e Brad kanë një marrëdhënie jo dhe aq të mirë me aktorin, pasi jo vetëm Shiloh dhe Vivienne kanë vendosur të mos kenë lidhje me të atin, por edhe Zahara, vajza më e madhe e çiftit, quhet thjesht “Zahara Marley Jolie”.
Të njëjtën gjë ka bërë edhe Moaddox, djali i tyre 22-vjeçar, i cili në dokumentet ligjore nuk përdor emrin e të atit. Arsyet për një vendim të tillë nuk dihen, por supozohet se është sjellja e keqe e Pitt karshi fëmijëve të tij.
Në vitin 2016, Angelina dhe Brad u divorcuan dhe aktorja mori kujdestarinë e plotë të 6 fëmijëve të tyre: Vivienne, Zahara, Maddox, Shiloh, Pax dhe Knox. Ajo e akuzoi aktorin për dhunë, duke mos kursyer as fëmijët, akuza të cilat asokohe Brad i mohoi.
