Një nga pesë finalistet e edicionit të tretë të “Big Brother Vip Albania” dhe me siguri një nga protagonistet e këtij reality show, Heidi Baci ka vendosur të flasë për herë të parë pas daljes nga “BBVA 3”.
Ajo e nis videon me një përshëndetje dhe falënderim për të gjithë dashamirësit që e mbështetën në rrugëtimin gati katërmujor në këtë reality show.
“Më vjen keq që nuk kam postuar më parë, por këto ditë kam pasur disa probleme shëndetësore me sytë dhe kjo është arsyeja pse unë mbaj syze, madje edhe dje në festë kam qenë me syze dielli. E kam gjendjen paksa të rënduar,” thotë Heidi teksa largon syzet për të treguar përmes videos situatën me problemin e tyre.
“Mund të jetë ndonjë infeksion nga stresi, s'e di. Unë do kthehem së shpejti, por mbi të gjitha doja t’ju falënderoja shumë të gjithëve. Ju dua shumë! Zhdukja ime është vetëm për arsye shëndetësore. Sapo të marr veten do jem më shumë prezente. Ju vlerësoj pafund të gjithëve,” e mbyll ajo fjalën në videon që ka postuar në Story-n e Instagram.
Heidi Baci ishte një nga pesë finalistet e “BBVA 3”, ndërkohë që u eliminua pas një votimi kokë më kokë me aktorin Julian Deda.
Artikuj të sugjeruar:
