Mos ndoshta Billie Eilish thumboi Taylor dhe Bey në deklaratën e saj të fundit? E vërteta nuk dihet, por njerëzit nëpër rrjetet sociale mendojnë se këngëtarja u hodhi një kunjë kolegeve të saj, për shkak të koncerteve të gjata që bëjnë.
Billie, 22 vjeç, u shpreh se askush nuk do të jetë në një shfaqje për 2-3 orë. “Ju njerëz nuk e doni këtë. As unë nuk e dua. Nuk do e doja as po të isha fanse. Edhe për artistët e mi të preferuar: Nuk do të doja t’i dëgjoja për tre orë. Është një kohë shumë e gjatë”, tha këngëtarja.
Njerëzit në X thanë se Billie me një gur vrau dy zogj dhe e hodhi spondin për turneun “ERAS” të Taylor Swift, si dhe për “Renaissance” nga Beyoncé, të cilat zgjasin rreth 3 orë secila. Fansat e këngëtareve nxituan t'i mbrojnë, duke u shprehur: “Miliona njerëz e duan një eksperiencë të tillë, por ok”, “Është e çuditshme që e thua këtë, pasi (biletat për) shfaqjet e tyre u shitën kaq shumë dhe ka filma, për të cilët njerëzit blenë bileta. Të thuash ‘askush nuk e do diçka të tillë’ është një gënjeshtër”; "Unë dua ta përjetoj, pasi janë momente të lumtura dhe emocionuese", ishin disa nga komentet.
S'e dimë me kë e ka pasur Billie, por te fotoja e mësipërme duket mjaft miqësore me Tay.
Artikuj të sugjeruar:
