Austri/ Vendi përgatitet për rrëshqitje dheu
Meteorologët austriakë kanë bërë me dije se në ditët në vijim pritjen reshje të shumta shiu, si pasojë e të cilave do të ketë edhe rrëshqitje dheu. Insitituti Meteorologjik “Geosphere Austria” u shpreh se do të ketë nivele të rralla përmbytjesh, të cilat zakonisht ndodhin një herë në dekadë.
Menjëherë njerëzit morën masat, duke ngritur sisteme të lëvizshme anti-përmbytje, si dhe mbushën thasë me rërë. Ndërkohë, janë bërë paralajmërime se mund të ketë vonesa në aeroportin e Vienës, për shkak të kushteve të këqija të motit.
Gjermani/ Parandalohet një sulm i mundshëm ndaj ushtarëve
Një shtetas sirian, i cili dyshohet si një person radikal islamik, është arrestuar nga forcat gjermane dhe dyshohet se planifikonte të vriste me hanxharë ushtarë gjermanë në një qytezë në Bavari. Sulmi i pretenduar do të ndodhte në Hof dhe siriani 27-vjeçar kishte marrë 2 hanxharë rreth 40 cm të gjatë.
Ai po planifikonte të vriste disa ushtarë të Forcave të Armatosura Gjermane, të cilët do të drekonin në Hof. Ai donte të tërhiqte vëmendje dhe të shkaktonte kaos dhe pasiguri për komunitetin, u tha në deklaratë.
Turqi/ Ndihen lëkundje sizmike në lindje të vendit
Një tërmet me magnitudë 4.1 ballë i shkallës Rihter ka goditur lindjen e Turqisë, sipas Qendrës Sizmologjike Mesdhetare Europiane. Tërmeti kishte një thellësi prej 9 km. Ai drodhi tokën pranë Erzincan-it, 38 km në veriperëndim të vendit.
Gjithashtu, dridhjet u ndjenë edhe 32 km në jug të Turqisë, në qytetin Kelk. Për momentin nuk ka raportime për dëmë apo të lënduar, megjithëse është shtuar frika nga tërmetet. Turqia është një vend i cili shpesh është goditur nga një fatkeqësi e tillë natyrore, ndaj qytetarët kanë dalë në rrugë, sapo e kanë ndjerë tërmetin.
Itali/ Babë e birë transportojnë 300 insekte endemike
Babë e bir me origjinë italiane, janë gjobitur me 200,000 dollarë, pasi u përpoqën që të kontrabandonin qindra insekte endemike, përfshirë këtu edhe 92 lloje të ndryshme fluturash. Luigi Ferrari, 68 vjeç dhe Mattia, 28 vjeç, u arrestuan, pasi iu gjetën kavanoza të tërë me insekte.
Burrat kishin kapur insektet me tërheqës kafshësh dhe kishin menduar që të përdornin qese dylli, për t’i ruajtur ato kimikisht. Ata u dënuan për grumbullim, posedim dhe transport të paligjshëm të insekteve, duke u detyruar të paguajnë gjobën më të lartë për krimin e kafshëve të egra. Nëse gjoba nuk paguhet deri më 24 shtator, ata do të përballen me dënimin me burg.
