Pse është kaq i rrezikshëm infektimi i qëllimshëm me Omicron?

Një prej pyetjeve që s'ka kaluar pa u vënë re në rrjete sociale është: Pse njerëzit që i kanë marrë të gjitha dozat e vaksinës nuk infektohen qellimisht me të për të fituar imunitet? 

Ekspertët thonë se ideja e infeksionit të qëllimshëm të Omicron po bëhet gjithnjë e më e popullarizuar. Teoria po përhapet si zjarr i egër, si midis të vaksinuarve ashtu edhe atyre të pa vaksinuar, por siç ata thonë, duhet të jesh "i çmendur" që të mendosh për një infektim të qëllimshëm. Pse nuk është diçka që duhet menduar?

1. Kjo nuk është thjesht një ‘ftohje e vogël’

Ethet, dhimbjet e trupit, ënjtja e gjëndrave limfatike, dhimbja e fytit dhe bllokimi i rrugëve të frymëmarrjes janë simptoma të zakonshme dhe variante më të buta të Omicron, thotë Murphy. Personat e infektuar ndihen të dobët për ditë të tëra.

2. Mund të merrni një Covid-19  afatgjatë

Humbja e shqisës së nuhatjes (dhe për rrjedhojë e shijes) është një simptomë gjithnjë e më e zakonshme e infeksionit të lehtë me koronavirus. Studimet tregojnë se rreth 80 për qind e njerëzve i rikthehen shqisat brenda një muaji, por disave nuk u rikthehet shija dhe nuhatja as pas 6 muajsh, ndërsa ka nga ata të cilëve këto shqisa nuk kthehen kurrë.

3. E transmetoni sëmundjen tek fëmijët

Pak fëmijë kanë marrë vaksinën kundër Covid-19 deri më tani. Kjo do të thotë se çdo sjellje e rrezikshme që mund të çojë në infeksion – mos mbajtja e maskës, injorimi i udhëzimeve për distancën, lëvizja në turma të mëdha, veçanërisht në ambiente të mbyllura – mund të nënkuptojë se ju mund ta kaloni infeksionin te fëmijët tuaj.

4.S'duhet luajtur me natyrën

A ka qenë ndonjëherë një ide e mirë të sëmuresh qëllimisht nga një sëmundje? Të moshuarit kujtojnë prindërit e tyre që dinin të organizonin festa ku i ekspozonin qëllimisht fëmijët e tyre ndaj lisë së dhenve. Duke qenë se kjo sëmundje është më e rëndë kur një i rritur është i infektuar, ideja ishte që të infektoheshin fëmijët që në moshë të vogël “për të hequr qafe sëmundjen”, por rezultoi gjithsesi një ide e keqe me fund të hidhur.

Pavarësisht situatës me pandeminë, shkollat nuk do të mbyllen!

Ndonëse numri i të infektuarëve kohët e fundit është rritur ndjeshëm, nuk do të ketë mbyllje të institucioneve arsimore. Edhe pse ka fëmijë të prekur që shkojnë në shkolla/kopshte, Komiteti i Ekspertëve ka vlerësuar se mbyllja e shkollave vjen me një risk edhe më të madh. 

Shkollat/kopshtet mund të punojnë me kapacitete të pjesshme, por s'do të ketë më mbyllje totale.

Novak Djokovic pranon se ka shkelur rregullat e izolimit pasi rezultoi pozitiv!

Tenisti Novak Djokovic ka pranuar se ka thyer rregullat e izolimit, pasi rezultoi pozitiv me Covid-19 muajin e shkuar, duke e quajtur këtë si "gabim gjykimi". Përmes një postimi në Instagram, tenisti serb pranoi se takoi një gazetar për të dhënë një intervistë 2 ditë pasi kishte rezultuar i infektuar me Covid.

"E pranoj që duhet ta kisha skeduluar më mirë programin tim."- u shpreh ai. Hyrja e tij u refuzua nga qeveria australiane, një vendim i cili u pasua me shumë komente dhe zhurmë. 

Austria merr masa të rrepta për parandalimin e Covid-19

Duke nisur nga sot, në Austri nisin kontrollet e detyrueshme për të vërtetuar njerëzit e vaksinuar apo ata të shëruarit prej Covid-19. Maskat duhen mbajtur gjithashtu me çdo kusht edhe në ambiente të hapura, nëse jeni më pak se dy metra larg nga njëri-tjetri. 

Viena ka shënuar një rritje rekord gjatë orëve të fundit që shkon deri në 3500 raste të reja.  Pronarëve të shitjes me pakicë u kërkohet të kontrollojnë për dëshmi të vaksinimit ose infeksionit me koronavirus.

Në rast të mosrespektimit të kontrolleve, pronarët e dyqaneve përballen me gjoba deri në 3600 euro. Të pavaksinuarëve do t'u ndalohet hyrja në dyqane që s'janë supermarkete apo farmaci. 

Burimi: CNN, Euronews, BBC