Julia Fox ka bërë një reagim për një reklamë të një prej aplikacioneve të lidhjeve online, duke zbuluar se prej më shumë se dy vitesh ka bërë betimin e “celibacy-s”.
“Prej dy vitesh e gjysmë nuk kam bërë seks dhe nuk jam ndjerë kurrë më mirë me thënë të drejtën”, shkroi ajo në komentet e një videoje në TikTok ku ishte publikuar pikërisht kjo reklamë.
Ky detaj, jo vetëm nuk i shpëtoi fansave, por shumë prej tyre u habitën dhe u ndjenë mirë sepse zbuluan dikë që i mirëkupton për eksperiencat e ngjashme.
“Nuk e dija që unë dhe Julia kemi kaq shumë të përbashkëta”, shkruan dikush; “Kjo është sjellja që i takon një mbretëreshe”, shkruan një i dytë.
“Ti je heroina im”, shkruan dikush tjetër. Ndërsa një tjetër ka deklaruar: “Është e vërtetë. Unë kam 20 vite nën betim dhe vetëm më mirë ndihem çdo vit”.
Po çfarë është betimi i ‘celibacy’?
Celibacy është praktika e të mos kryerit marrëdhënie seksuale. Personat që e bëjnë këtë betim janë zakonisht priftërinjtë, por edhe njerëzit e thjeshtë e zbatojnë në jetën e tyre.
Sipas rregullave të betimit, personat nuk duhet të martohen as të kryejnë marrëdhënie. Por jo të gjithë e ndjekin njësoj këtë praktikë. Ka nga ata që e ndalojnë veten vetëm me arritjen e procesit të penetrimit dhe ka të tjerë që nuk puthen e as nuk qëndrojnë me duar të bashkuara.
Celibacy-a ka lindur në mesjetë, kur u vendos si ligj për të mos lejuar klerikët të kishin trashëgimtarë, me frikën se kishat do të ktheheshin në pronë të trashëguar e më tej në dinasti.
Sot, kjo praktikë aplikohet akoma si traditë e kishës, por ka edhe nga ata që me vullnet të lirë zgjedhin të jetojnë nën betim për të mos pasur kurrë ose për një kohë të gjatë raport seksual.
