Anna Lika dhe Bjordi Mezini kanë konfirmuar lidhjen, përmes një postimi që aktorja ka bërë në Instagram. Pasi përfliteshin prej kohësh për një romancë, dyshja ka vendosur që pa u ndjerë të postojë një foto. Ndonëse Anna nuk kishte shkruar asgjë në mbishkrim, sërish njerëzit rendën ta uronin për marrëdhënien e tyre.
View this post on Instagram
Bjordi dhe Anna shpesh i kanë shmangur ose u janë përgjigjur me stil pyetjeve për njëri-tjetrin, duke mos e konfirmuar dhe as mohuar romancën e tyre. Gjithsesi, në janar të vitit të kaluar, stafi i Anabel, meqë ka edhe një shpirt kurioz, “nuhati” se mes tyre kishte diçka.
Kur Bjordi ishte (për herë të dytë) pjesë e “BBVA 2”, e bëri të qartë që në jetën e tij kishte një të dashur, por s’e kishte fare në plan ta tregonte emrin e saj. Por, nuk e dinte regjisori se në botën e Instagram-it merret vesh gjithçka. Pa gjeje pak kush i “tradhtoi”! Një mace!
Bjordi, në një moment gjatë qëndrimit të tij, iu drejtua kamerës dhe i tha të dashurës se e do shumë, atë dhe vajzën e tyre.
Pastaj, saktësoi se “vajza” ishte macja e tyre, Amma. Epo, Anna kishte postuar një foto me Amma-n.
Bjordi gjithashtu, ka publikuar disa foto me macen e lezetshme dhe kështu, e zgjidhëm të gjithë rebusin.
Epo, ja ku na doli fjala!
