“Kënga Magjike” do të rikthehet në vjeshtë. Lajmin e bëri të ditur Ardit Gjebrea në “E diela shqiptare”, ku tregoi se këtë vit do ketë ekskluzivitet vetëm për artistët shqiptarë.
Prezantimi i këngëve do të nisë në shtator, ndërkohë që u zbuluan dy emrat e parë pjesëmarrës. Fifi dhe Ronela konfirmuan pjesëmarrjen teksa ishin të ftuara në programin e së dielës.
Pritet që këtë vit të bëhen bashkë emrat më të njohur të muzikës pas mungesës së festivalit të shumëpritur.
Në rubrikën “I panjohuri” u transmetuan edhe disa pamje nga skena e këtij viti, e cila duket se do të jetë madhështore dhe disi ndryshe nga herët e tjera.
Nuk dihet ende nëse do ketë të tjera ndryshime në sistemin e organizimit të këtij festivali, por me kalimin e ditëve pritet të zbulohen detaje të tjera. Kujtojmë se në 2022-shin, kur u zhvillua edicioni i fundit, fituese u shpall Marsela Çibukaj me “I paftuar”.
Artikulli do të përditësohet....
