Lynne Spears, e ëma e Britney Spears, sipas raportimeve në media, ka udhëtuar drejt Los Angeles, pas incidentit të rëndë që ndodhi në një hotel, ku këngëtarja dëmtoi këmbën. Sipas Daily Mail, Lynne është fotografuar në aeroport ku e priste djali i saj, Bryan Spears, i cili është ndër të paktët që ka një marrëdhënie disi të mirë me Britney.
Lynne udhëtoi 24 orë pasi u thirr një ambulancë për Britney, kur u zbulua se këngëtarja pati një debat me të dashurin e saj Paul Richard Soliz dhe përfundoi me këmbë të lënduar duke dalë nga një hotel luksoz. Fotot e saj e mbuluar me një jastëk dhe një batanije, u bënë virale, ndërsa pak orë pas incidentit, mediat raportuan se gjendja e saj është mirë dhe se tashmë Spears po pushon në shtëpinë e saj.
Vetë këngëtarja e ka mohuar se i dashuri e ka lënduar dhe ka deklaruar se mjekët erdhën në mënyrë të paligjshme në derën e saj. Në një postim tjetër ajo tha se e ëma ishte fajtore për ngjarjen.
“Nuk kam folur me të prej 6 muajsh dhe më telefonoi para se të merrej vesh lajmi. Nuk e duroj dot nënën time. E di që ajo është e përfshirë në këtë situatë”, deklaroi Spears.
Lynne duket se nuk do ta lërë vetëm të bijën, ndërsa mediat raportojnë se burime të afërta për Spears tregojnë se kjo ishte frika e tyre më e madhe e tyre kur situatat ligjore e Spears të zgjidhej. Shumica e familjarëve mendojnë akoma se ajo nuk është në gjëndje të mbajë veten dhe të kujdeset për të ardhurat e saj.
Artikuj të sugjeruar:
