Kendrick Lamar nuk ka ndërmend të ndalet. Reperi ka publikuar diss-in ndaj Drake dhe këtë herë e akuzon se është pedofil, sepse pëlqen vajzat nën moshë.
“Not Like Us” quhet kënga e re e lançuar të shtunën ku reperi shprehet: “Drake kam dëgjuar se të pëlqejnë të reja/ bën mirë të mos shkosh kurrë te qelitë e bllokut të parë/ Për çdo k*rvë që po flet me të dhe është e dashuruar/ Sigurohu të fshehësh motrën e vogël nga ai”.
Më tej, ai e mbyll duke thënë: “Pedofil i certifikuar”.
Dhe për t’i vënë vulën, reperi përdori imazhin e shtëpisë së Drake në Toronto, si foto imazh të këngës, e cila ishte mbuluar me kryqe ku shkruhej pedofil.
Në një tjetër këngë që u publikua së afërmi, Lamar e akuzoi Drake se ka fjetur me ish-të dashurën e Lil Wayne, kur ky i fundit ishte në burg.
Por, ç’po ndodh me reperët?
Drake, Kendrick Lamar, J. Cole, Future, Metro Boomin dhe Rick Ross, janë përfshirë në një vorbull kunjash dhe publikimi këngësh.
Kujtojmë se fillimisht, zanafilla e këtij debati ishte Kendrick Lamar, 36 vjeç, i cili në këngën “Like That”, me Future dhe Metro Boomin, u bëri diss J.Cole dhe Drake. Që prej atij momenti, gjërat kanë marrë tatëpjetën.
Para akuzës për pedofili, Lamar e akuzoi Drake se ka një vajzë dhe po e fsheh. Është e paqartë se pse kanë nisur të tilla akuza ndaj Drake, por çështja e vajzës së tij të panjohur për publikun është përmendur edhe thuajse 6 vite më parë, kur reperi Pusha T e akuzoi Drake se ka një djalë.
Për ta hedhur poshtë këtë lajm Drake publikoi një foto në Instagram, ku shkroi: “Prisni! Dikush të gjejë vajzën time dhe ju lutem, ta dërgojë tek unë. Këta njerëz po shemben”.
Diss-et mes reperëve pritet të vazhdojnë e përkeqësohen.
Artikuj të sugjeruar:
