Khan Younis, Gaza
Palestinezët kalojnë përmes ndërtesave të dëmtuara në Khan Younis. Rindërtimi i shtëpive të shkatërruara në Gaza gjatë luftës mes Hamasit dhe Izraelit mund të zgjasë deri në vitin 2040, sipas skenarit më optimist. Rindërtimi total për territorin e Gazës mund të kushtojë deri në 40 milionë dollarë, thonë ekspertët e OKB-së.
Arad, Izrael
Hebrenjtë ultra-ortodoksë shohin mbetjet që la pas raketa balistike, e cila u hodh nga Irani, si shenjë hakmarrjeje ndaj sulmit në konsullatën iraniane në Siri. Sulmi i Izraelit, i ndodhur më 1 prill, shkaktoi një breshëri dronësh dhe raketash balistike, të cilat Irani i hodhi në drejtim të territorit izraelit. 300 prej tyre (nga 500 në total) u shkatërruan nga mbrojtja ajrore izraelite, me ndihmën e SHBA dhe partnerëve të tjerë.
Lion, Francë
Një protestues vijon t’i bjerë instrumentit muzikor, ndërsa rrethohet nga gazi lotsjellës, pas një proteste më 1 maj, në Ditën Ndërkombëtare të Punëtorëve.
Port-au-Prince, Haiti
Një grua dhe dy fëmijë largohen nga shtëpitë e tyre në Delmas, për shkak të dhunës së bandave. Persona të armatosur filluan një varg sulmesh në Port-au-Prince, duke djegur shtëpi dhe duke shkëmbyer të shtëna me policinë për orë të tëra, në një nga shpërthimet më të mëdha të dhunës, që nga shpallja e kryeministrit të ri të Haitit.
Dunkirk, Francë
Emigrantët ecin në ujë ndërsa përpiqen të hipin në varkën e një kontrabandisti për të kaluar Kanalin nga plazhi në Gravelines.
Nablus, Bregu Perëndimor
Anëtarët e komunitetit të lashtë samaritan marrin pjesë në pelegrinazhin e Pashkës në vendin më të shenjtë të fesë, në malin Gerizim, pranë qytetit të Bregut Perëndimor. Samaritanët e kanë prejardhjen nga fiset e lashta izraelite të Menashe dhe Efraim, por u shkëputën nga judaizmi kryesor më shumë se 2,800 vjet më parë. Sot, samaritanët e mbetur jetojnë në qytetin palestinez Nablus dhe qytetin izraelit të Holon.
New York City, SHBA
Studentët në protestën pro-Gazës bllokojnë hyrjen e sallës “Hamilton” në universitetin ku ndjekin studimet.
Los Angeles, SHBA
Oficerët e policisë përballen me studentët pro-palestinezë, pasi shkatërruan një pjesë të barrikadës së kampit në kampusin e Universitetit të Kalifornisë. Policia spastroi kampin e studentëve në një operacion të kryer pas mesnate dhe arrestoi të paktën 200 demonstrues pro-palestinezëve.
New York City, SHBA
Policia arreston një protestues gjatë demonstratave pro-palestineze në “City College of New York”. Më shumë se 2,000 njerëz janë arrestuar gjatë protestave pro-palestineze në dhjetëra kampuse të kolegjeve amerikane në javët e fundit.
Rafah, Gaza
Një fëmijë qëndron pas telave me gjemba, pranë një kampi që strehon palestinezë të zhvendosur nga banesat e tyre.
Khan Younis, Gaza
Fëmijët palestinezë qëndrojnë pranë ndërtesave të shkatërruara, pas bombardimeve izraelite.
Donetsk, Ukrainë
Ushtarët ukrainas përgatisin një sistem llogore në rajonin e Donetskut.
Kharkiv, Ukrainë
Një grua hedh mbeturinat nga dritarja e një spitali të dëmtuar nga një sulm me raketa ruse.
Kherson, Ukrainë
Brigada e marinsave kryen një mision luftarak në mbështetje të këmbësorisë në Dnipro.
Tbilisi, Gjeorgji
Një demonstruese bën gjeste përqesh policinë, ndërsa laget me ujë për të neutralizuar protestën kundrër projektligjit për “ndikimin e huaj”. Policët përdorën gaz lotsjellës, granata trullosëse e plumba gome për të qetësuar turmën.
Eldorado do Sul, Brazil
Një banor qëndron në degët e një peme, ndërsa pret një ekip shpëtimi gjatë një përmbytjeje në Eldorado do Sul.
Mai Mahiu, Kenia
Një vajzë qëndron pranë një makine të zhytur në baltë në një zonë të prekur nga shirat e rrëmbyeshëm dhe përmbytjet e shpejta në fshatin Kamuchiri. Më shumë se 170 njerëz kanë vdekur në të gjithë Kenian, që nga mesi i marsit kur filloi sezoni i shirave, duke shkaktuar përmbytje, rrëshqitje dheu dhe duke shkatërruar infrastrukturën e vendit.
Manipur, Indiz
Një fëmijë i etnisë Kuki ulet brenda një tende në një kamp ndihme për personat e zhvendosur brenda vendit në fshatin Litan. Shtetet verilindore të Indisë kanë një histori të rivaliteteve etnike që datojnë para se vendi të bëhej i pavarur në vitin 1947. Dhuna ka detyruar një numër të madh të të dy grupeve të zhvendosen dhe të kërkojnë strehim në kampet e drejtuara nga qeveria.
Kasara, Indi
Një grua nxjerr ujë nga një pus i tharë.
Rimini, Itali
Një sportist garon në Kampionatin Europian të Gjimnastikës Artistike.
