Britney Spears ka publikuar në Instagram këmbën e saj të enjtur dhe të nxirë, duke thënë se e ka ndrydhur. Megjithatë, ajo është përfshirë në një dramë të çuditshme që përfshin të dashurin dhe nënën e saj.
Le ta marrim me qetësi dhe me ngadalë!
Fillimisht, u raportua se autoritetet shkuan në hotelin “Chateau Marmont”, në të cilin ajo po qëndronte me të dashurin e saj, Paul Richard Soliz. Thuhet se në hotel ndodhi një sherr mes të dyve, në të cilin Brit pësoi një incident dhe autoritetet konfirmuan për Page Six se në orën 12:42 të mesnatës, një ambulancë mbërriti në hotel. “Telefonuesi nuk na dha informacion për natyrën e lëndimit. Ne dërguam ambulancën në vendndodhje”, tha një burim nga Departamenti i Zjarrfikëses në Los Angeles, pasi vetëm ky departmanet iu përgjigj telefonatës emergjente, duke sqaruar se askush nuk u transportua në spital.
Një tjetër burim tha për Page Six se më pas, ajo ishte e sigurt në shtëpi dhe paparacët e fotografuan jashtë hotelit me partnerin e saj. Brit ishte e rrethuar nga truprojat.
Britney mohon lajmet
Pasi lajmet qarkulluan, këngëtarja e “Toxic” u shpreh se mjekët shkuan në spital në mënyrë të paligjshme dhe mohoi të jetë lënduar nga një sherr me të dashurin e saj. Princesha e muzikës Pop tha se ka ndrydhur këmbën. “Që ta dinë njerëzit, lajmet janë të rreme! Unë ndrydha këmbën mbrëmë dhe mjekët erdhën në derën (e hotelit) në mënyrë të paligjshme. Ata nuk erdhën kurrë në dhomën time dhe u ndjeva totalisht e intimiduar”, u shpreh ajo në Instagram.
Më pas, përfshiu në dramë edhe të ëmën
Britney publikoi në Instagram edhe këmbën e saj të enjtur, si një “provë” për të vërtetuar se ka të dejtë. “Vërtet ndrydha këmbën si idiote mbrëmjen e djeshme, thjesht për t’ju treguar provën. Është shumë keq. Mjekët erdhën në derën time menjëherë. Sigurisht, shkaktuan një skenë, e cila ishte e panevojshme dhe gjithçka më duhej ishte pak akull”, tha Brit, duke mos e kursyer të ëmën, Lynne Spears.
“Unë nuk kam folur me të prej 6 muajsh dhe ajo më telefonoi për të marrë vesh se ç’ndodhi para lajmeve. Do të doja të kisha gjyshër! S’e duroj dot atë (të ëmën)! Sinqerisht, nuk më intereson, do e them!”, tha Brit, megjithëse është e paqartë se për çfarë e fajëson të ëmën, se mund të ketë telefonuar mjekët, apo se mund të ketë njoftuar mediat.
Brit duket se ende nuk marrëdhënie të mira me familjarët. Rishtazi, në një postim në Instagram, ajo ka fyer publikisht të motrën, duke e quajtur "ku*vë të vogël". (Artikullin e plotë e gjeni këtu).
