OBSH: Vaksinat nga hunda mund të ndihmojnë në kontrollimin e Covid-19

Vaksinat që merren nga hunda kundër Covid-19 mund të ndihmojnë në kontrollimin e pandemisë, sipas OBSH-së. Vaksina të këtij lloji deri më tani janë miratuar në Indi dhe Kinë.

OBSH është treguar e hapur në studimin e këtyre vaksinave dhe dëshiron të ketë qasje në të dhënat për to që më pas t'i vendosë nëse do t'i miratojë apo jo.

Pak ditë më parë, ishte Kina ajo që prezantoi vaksinën e parë kundër koronavirusit, që jepet përmes hundës.

Drejtori i OBSH-së për Emergjenca, Mike Ryan, ka thënë se vaksinat e dhëna përmes hundës kanë aktivizuar përgjigje në mukozën e mushkërive.

Prandaj, vaksina hundore mund të ndihmojë një person që të mos infektohet dhe që të mos e mbart virusin tek të tjerët.

Kjo grua mund të "nuhasë" sëmundjen e Parkinsonit: Ndihmon studiuesit të krijojnë testin mjekësor

Joy Milne tha se kishte vënë re një ndryshim në aromën trupore të bashkëshortit të saj të ndjerë kur ai ishte 33 vjeç, 12 vjet para se të diagnostikohej me sëmundjen e Parkison.

Tashmë gruaja me aftësinë e nuhatjes së sëmundjeve po ndihmon studiuesit të krijojnë një test për të zbuluar sëmundjen.

Testi në fakt po perfeksinohet prej vitesh, kur studiuesit kuptuan se Joy Milne, skoceze, sinjalizoi sensin e nuhatjes që mund të zbulonte gjendjen shëndetësore. Historia e saj tërhoqi vëmendjen e studiuesëve të cilët vendosën të hulumtojnë se çfarë mund të ndjente ajo përmes nuhatjes.

Edhe pse ende në fazat e hershme të studimit, studiuesit besojnë se mund të krijojnë një test të thjeshtë identifikimi. Aktualisht nuk ka teste për pikasjen e sëmundjes dhe diagnozat bazohen në simptomat e hershme të pacientit dhe historinë e tij mjekësore.

Ukraina merr përsipër sulmet në Krime

Pas më shumë se një muaji, Ukraina ka marrë përsipër përgjegjësinë për sulmet ajrore të ndodhura në Gadishullin e Krimesë. Një prej sulmeve, që ka ndodhur në fillim të muajit gusht, ka shënjestruar bazën ushtarake ruse, Saky. Si pasojë e këtij sulmi një person humbi jetën. Më herët, Ukraina refuzoi ta pranonte që ishte ajo pas sulmit dhe madje, fajësoi forcat ruse.

Kjo deklaratë konfirmon një zgjerim të konfliktit të Ukrainës edhe në Krime, gadishullin ukrainas që e ka aneksuar Rusia më 2014.

Gjiri Persik i kërkon Netflix të heqë përmbajtjet homoseksuale sepse "kundërshtojnë" vlerat islamike

Vendet arabe të Gjirit Persik i kanë kërkuar platformës Netflix heqjen e programeve ku shfaqen personazhe gay e lesbikë pasi kundërshtojnë vlerat e vendeve islamike.

Përmbajtjet e filmave të fundit duke përfshirë dhe materiale për fëmijë, kanë shkelur rregullat duke u quajtur “ofenduese” nga rregullatorët televizivë të Këshillit të Medias së Arabisë Saudite.

Rregullatorët në Arabinë Saudite ilustronin vendimin me një intervistë të një “konsulenteje të sjelljes” që përshkruante rrjetin Netflix si një “sponsor zyrtar të homoseksualitetit”.

Autoritetet transmetonin një segment ku sugjerohej se Netflix mund të ndalohej në mbretërinë islamike për “kushtëzim dhe programim të fëmijëve ndaj vlerave të papranueshme në vend”.

Komisioni i Mediave Audiovisuale në Riad tha se përmbajtjet shkelnin rregullacionin e Këshillit të Vendeve të Gjirit, ku përfshihen Arabia Saudite, Emiratet e Bashkuara Arabe, Bahrein, Omani, Katari e Kuvajti.

Nëse Netflix vijojn të transmetoje përmbajtjet në fjalë ata shtuan se “masa ligjore do të merren”, pa specifikuar më shumë.

Burimi: BBC, CNN