Ai është fituesi i një prej shifrave më të mëdha të lojës Powerball dhe ka hyrë në histori jo vetëm për shumën e fituar, por edhe për historinë e jetës së tij. Cheng Seaphan është një emigrant nga Laosi, por që jeton në Portland në Amerikë.
Pikërisht kur nuk e priste, për shkak të problemeve shëndetësore dhe luftës prej tetë vitesh me kancerin, Cheng bleu një biletë lotarie që e shpërbleu në mënyrë të pabesueshme. 46-vjeçari fitoi xhekpotin e madh prej 1.3 miliardë dollarësh. Ndonëse javën e kaluar ai bëri seancën e radhës së kimioterapisë, fati e surprizoi në mënyrë të pabesueshme.
Fituesi tha se ai dhe gruaja e tij, Duanpen, planifikojnë ta ndajnë çmimin me një mik, i cili kontribuoi me 100 dollarë për të blerë biletën, ndërsa një pjesë tjetër të parave do e shpenzojë për trajtimin e tij mjekësor.
“Do të jem në gjendje të kujdesem për familjen dhe shëndetin tim,” u shpreh ai.
Saephan, i cili ka dy fëmijë të vegjël, tha se si pacient me kancer, shpesh pyeste veten: “Si do të kem kohë për të shpenzuar gjithë këto para? Sa do të jetoj?” Cheng ka lindur në Laos dhe është zhvendosur në Tajlandë në vitin 1987, përpara se të emigronte në SHBA në vitin 1994. Gjatë konferencës ai mbante në trup një bluze që e identifikonte veten me Iu Mien, një grup etnik aziatik juglindor që jeton në Kinën jugore.
Saephan ka përfunduar shkollën e mesme dhe ka punuar si makinist për një kompani mjetesh ajrore për shumë vite.
Artikuj të sugjeruar:
Burimi: NBC News
